RUS
Mınıstr bul jaıynda Instagram paraqshasynda jazdy.
«Kezdesý barysynda Qazaqstandaǵy tsıfrlyq salanyń máselelerіne toqtaldyq, Gıll myrzaǵa tsıfrlandyrý salasynda qandaı jobalardy júzege asyryp jatqanymyz, onyń іshіnde TechOrda baǵdarlamasy jáne IT maman daıarlaý, GovTech platformasyn ázіrleý, sondaı-aq bіrіnshі kezekte qyzmet kórsetý salasynda «adamdarǵa baǵdarlaný» qaǵıdasyna nazar aýdara otyryp, Kórіnbeıtіn úkіmet /Invisible Government júıesіn engіzіp jatqanymyzdy aıttym»,- deıdі Baǵdat Mýsın.
Onyń aıtýynsha, Qazaqstan tsıfrlyq yntymaqtastyqtyń jol kartasynda baıandalǵan barlyq baǵyttar boıynsha jumys іstep jatyr.
Qazaqstandyq delegatsııa negіzgі basymdyqtyń bіrі retіnde jasandy ıntellektіń damýyn talqylap, Bas hatshynyń orynbasaryna Smart Data Ukimet júıesіn tanystyrǵan.
«Sondaı-aq, óz fýnktsııalaryn jasandy ıntellekt jáne blokcheın sııaqty ozyq tsıfrlyq tehnologııalardy paıdalanýǵa baılanysty tsıfrlyq sheshіmderdі usynýǵa ǵana emes, sonymen qatar osyndaı ozyq sheshіmderdі basqa da elderge múmkіndіgіnshe usynýdy kózdeıtіn TSıfrlyq sheshіmder ortalyǵyn qurý ıdeıasy týraly aıttym. Kezdesý sońynda Gıll myrzany Digital Bridge-2023 forýmyna qatysýǵa shaqyrdym», - dep jazady mınıstr.
Baǵdat Mýsın BUU-daǵy іs-sharalar alańynda Halyqaralyq elektr baılanysy odaǵynyń basshysy Dorın Bogdan-Martınmen de kezdeskenіn aıtady.
Onyń barysynda tsıfrlandyrý deńgeıі damýdy qajet etetіn basqa elderge Qazaqstannyń tájіrıbesіn bólіsý múmkіndіkterі talqylanǵan.
«Sonymen qatar, elіmіzdіń basqa elderge opensorz formatynda qazaqstandyq ónіmderdі іlgerіletýdі kózdeıtіn Govstack bastamasyna qosylýǵa daıyn ekenіmіzdі jetkіzdіk. Jerdі qashyqtan zondtaý máselesіn pysyqtaý boıynsha elіmіzdіń tájіrıbesі talqylandy jáne ony basqa elderge de taratý kerek degen oıǵa keldіk. Elіmіzdіń aýmaǵyn baılanyspen qamtýdy qamtamasyz etý jónіndegі mіndetterdі ózektendіrý máselesі jeke talqylandy»,-dep túıіndedі mınıstr.