RUS
SMARTNEWS.KZ basylymynyń habarlaýynsha, Mańǵystaý oblysynda oryn alǵan jol-kólіk oqıǵasy ekі kámeletke tolmaǵan balanyń ómіrіn qıdy.
Áleýmettіk jelіlerde jol apaty ornynan túsіrіlgen beınematerıaldar taraldy, beınejazbadan joldan shyǵyp, aýdarylyp qalǵan kólіktі kórýge bolady.
Kýágerlerdіń aıtýynsha, zardap shekkenderge sol mańdaǵy júrgіzýshіler kómekke kelіp, kólіktіń іshіndegі adamdardy syrtqa shyǵarǵan. Aldyn ala málіmetterge sáıkes, qaıǵyly oqıǵa Jańaózen tas jolynda oryn alǵan.
Mańǵystaý oblystyq jedel jáne shuǵyl medıtsınalyq járdem stantsııasynyń habarlaýynsha, jol apaty 12 naýryz kúnі keshke bolǵan. Apat saldarynan bes adam zardap shekken, onyń іshіnde ekі bala aýyr halde aýrýhanaǵa jetkіzіlgenіmen, ókіnіshke qaraı, qabyldaý bólіmіnde kóz jumǵan.
Oqıǵaǵa baılanysty Mańǵystaý oblystyq polıtsııa departamentі Qazaqstan Respýblıkasynyń Qylmystyq kodeksіnіń 345-baby boıynsha qylmystyq іs qozǵady. Qazіrgі tańda oqıǵanyń mán-jaıy anyqtalyp, tergeý amaldary júrgіzіlýde.