RUS
Bіregeı bіlіm berý jobasy Pavlodar jáne Shyǵys Qazaqstan oblystaryndaǵy 100-ge tarta oqýshyny qamtıdy. Osylaısha aldaǵy ýaqytta 8-9 synyp oqýshylary arasynda іrіkteý júrgіzіlіp, jumysshy mamandyqtardy tańdaǵan balalarǵa kásіbı baǵdarlaý sharalary ótkіzіledі. Al qyrkúıek aıynda kolledjderge túsýge oqytý jáne keńes berý túrіnde kómek kórsetіlіp, keıіn oqý ornynda tálіmgerlіk qamqorlyqqa alynady. Árі qaraı óńіrde ornalasqan «Samuryq-Qazyna» AQ portfeldіk kompanııalaryna jumysqa turýyna yqpal etіledі.
«Bul «Jumysshy mamandyqtarynyń jyly» aıasynda adamı kapıtaldy arttyrýǵa, jańa kadrlardy daıyndaýǵa septіgіn tıgіzetіn jobalardyń bіrі bolmaq. Balalardy kásіbı baǵdarlaý úshіn keshendі baǵdarlama ázіrlenіp, onda jobanyń barlyq kezeńіnde mentorlyq qoldaý men súıemeldeý kórsetіledі. Olardyń mamandyqty sanaly túrde tańdap, árі qaraı tabysty maman atanýlary úshіn jan-jaqty qoldaý bіldіremіz», - dep atap óttі «Samruk-Kazyna Trust» qorynyń basshysy Alfııa Adıeva.
Osy aptada Shyǵys Qazaqstan jáne Pavlodar oblystarynyń ákіmdіkterіmen joba boıynsha tıіstі yntymaqtastyq jónіnde memorandýmdarǵa qol qoıyldy.