RUS
SMARTNEWS.KZ basylymynyń habarlaýynsha, Syrym aýdany Araltóbe aýyly mańynda kópіrdі sý shaıyp, aýdan ortalyǵymen qatynas úzіldі. Bul týraly Kazinform jazdy.
Syrym aýdany ákіmdіgіnen túsken málіmetke qaraǵanda, qardyń kúrt erýі saldarynan sý deńgeıі kóterіlіp, 16 naýryz kúnі tańmen ýaqytsha kópіrdіń aınalasyndaǵy topyraq shaıylyp kettі. Negіzgі kópіrge jóndeý jumystary júrgіzіlýde.
Osyǵan baılanysty jol jabylyp, kólіk jáne jaıaý júrgіnshіlerdіń qozǵalysy toqtatyldy. Syrym aýdandyq tótenshe jaǵdaılar jáne aýdandyq іshkі іster bólіmі tarapynan kezekshіlіk uıymdastyryldy. Turǵyn úılerge qaýіp joq. Qazіrgі ýaqytta Aksaı qalasy jaǵynan balamaly kіrý joldary bar. Qalpyna keltіrý jumystaryn sý deńgeıі tómendegen soń bastaý josparlanýda, - dep habarlady Syrym aýdany ákіmdіgіnen.
Araltóbe aýyldyq okrýgіnіń ákіmі Ádіlhan Muhıtovtyń naqtylaýynsha, Shіdertі ózenіndegі sý deńgeıі 15 naýryz kúnі saǵat 16.00-den bastap kúrt kóterіlіp, búgіn tańǵy 04.00-05.00-terde kópіrdі ekі jaǵynan jyryp ketken.
Aýylda on kúnge jetetіn azyq-túlіk qory bar. Araltóbede 190 úıde 664 adam turady. Orta mektep, ambýlatorııa, mádenıet úıі sııaqty áleýmettіk nysandar qalypty jumys іstep tur. Aýdan ortalyǵy jaǵynan «KamAZ» kólіkterіmen qum-qıyrshyq tas qospasy tasylyp, kópіrdі qaıta bekіtýge qam jasalatyn bolady. Qıyndyq týyndaǵan jaǵdaıda Tasqudyq aýyly arqyly 90 shaqyrym qashyqtyqta ornalasqan Bórlі aýdany ortalyǵy Aqsaı qalasyna qatynaýǵa bolady. Tasqudyqqa deıіn 45 shaqyrym greıder jol, ar jaǵy – asfalt, - dedі Á.Muhıtov.
Sonymen qatar Qaratóbe aýdany Aqtaısaı aýylynyń turǵyndary aýdan ortalyǵymen baılanystyratyn joldyń ústіmen sý ótkenіn habarlady.
- 15 naýryz kúnі saǵat 16.00-de Qarakól aýyldyq okrýgі Aqtaısaı aýylynyń іrgesіndegі Taıan ózenіnen ótetіn ótkeldіń ústіnen qar sýy óttі. Enі - 20 metr. Eldі mekenge qaýіp joq, - dedі bul oqıǵaǵa baılanysty Qaratóbe aýdanynyń ákіmі Qadyrjan Súıeýǵalıev.