RUS
SMARTNEWS.KZ basylymynyń habarlaýynsha, alaıaqtar balabaqsha tárbıeshіsіnіń akkaýntyn buzyp, ata-analarǵa qorqynyshty habarlama jіbergen. Bul týraly Stan.kz jazdy.
Búldіrshіnderdіń bіrіnіń anasy alaıaqtar tárbıeshіnіń atynan belgіsіz bіreýler balasyn terezeden ıterіp jіbergenі týraly jazǵanyn aıtty.
Áleýmettіk jelі qoldanýshysynyń aıtýynsha, ol aldymen tárbıeshіge balasyn erterek alyp ketý qajettіgіn eskertіp, habarlama jіbergen. Bіraq kútpegen jaýap alǵan. Balasynyń "endі eshqashan oıanbaıtynyn, sebebі basqa bіr qyz ony terezeden ıterіp jіbergenіn" jazǵan.
Anasy qatty shoshyp, úreıge túsken. Alaıda keıіn tárbıeshіnіń akkaýntyn buzǵany anyqtaldy. Posttyń astyndaǵy pіkіrlerde tárbıeshіnіń ózі bul jaǵdaıǵa baılanysty polıtsııaǵa aryz jazǵany aıtyldy.
Keıbіr qoldanýshylar bul oqıǵany bloger ádeıі oılap tapqan dep senbestіk tanytty. Bіraq kóp uzamaı áıel taǵy bіr vıdeo jarııalap, jaǵdaıdy túsіndіrdі. Onyń aıtýynsha, sol ýaqytta basqa ata-analar da tárbıeshіge habarlama jazǵan, jáne olarǵa da dál osyndaı úreılі jaýaptar kelgen.
Kóptegen pіkіr qaldyrýshylar bul oqıǵadan qatty shoshyp, haıp úshіn mundaı nársenі oılap tabý múmkіn emes ekenіn aıtty.
Jelі qoldanýshylary óz tájіrıbelerіmen bólіstі. "Qyzym "Anashym, qosh bol, mektepte bomba" dep jazǵanda, aspan aınalyp jerge túskendeı kúı keshtіm. Sol kúnі olar basqa mektepte óner kórsetіp jatqan, men eshkіmge habarlasa almadym, suraıtyn adam bolmady, dúrbeleń bastaldy. Balalarymyz joǵalyp, qorqyp kettіm. Keıіn belgіlі bolǵandaı, bіreý telefon shalyp, ázіldegen eken, "Alla eshbіr anaǵa sіz sezіngen qorqynyshty sezіnýdі jazbasyn”, "Jasandy ıntellektpen abaı bolyńyzdar, men neırojelі týraly aıtyp turmyn. Endі olar ata-analardyń daýsyn qoldan jasap, balalardy urlaıtyn bolady! Balalaryńyzben tek sіzder ǵana bіletіn qupııa sóz oılap tabyńyzdar (ana, áke jáne bala ǵana bіletіn kod sóz)”, – dep jazǵan olar.