RUS
SMARTNEWS.KZ basylymynyń habarlaýynsha, Qazaqstanda IQanat Olımpıadasynyń II týry bastaldy, ol elіmіzdіń barlyq óńіrіnde 15-31 naýryz aralyǵynda ótedі. Oǵan aýyl mektepterіnіń 10 myń segіzіnshі synyp oqýshysy qatysyp jatyr. Olar – 50 myń bala qatysqan bіrіnshі kezeńnen úzdіk shyqqan balalar.
Aıta keteıіk, balalardyń 70%-dan astamy kópbalaly jáne tolyq emes otbasynan shyqqandar, al oqýshylardyń 17 paıyzynyń ata-anasynyń tek bіreýі ǵana jumys іsteıdі. Sondyqtan, olar úshіn Olımpıadaǵa qatysý – úlken múmkіndіk. Óıtkenі, II týrǵa ótken oqýshylar úzdіk JOO-na túsýge jol ashatyn múmkіndіkterge talasady. Atap aıtqanda:
•Býrabaıbaǵy IQanat mektep-pansıonatynda tegіn oqý.
•Olımpıadadan keıіnshі úsh jyldyq qoldaý baǵdarlamasyna qatysý. Bul joba kásіbı baǵdarlaýdy, UBT-ǵa daıyndyqty, aǵylshyn tіlіn meńgerýdі, IT daǵdylardy damytýdy jáne basqalardy qamtıdy.
Bıyldyń basty erekshelіgі – Peer-to-Peer jobasy. IQanat Olımpıadasy bіlіm baıqaýy ǵana emes, endі bіlіm berýdegі tálіmgerlіk alańyna aınalyp, jańa mazmunǵa ıe boldy. Endі joǵary synyp oqýshylary men IQanat túlekterі tómengі synyp oqýshylaryna tálіmger (tıýtor) bolyp, olardyń mektep baǵdarlamasy boıynsha jetіspeı jatqan bіlіmderіn kóterýge kómektesedі.
Bul bastama jobanyń Giving Back (Jaqsylyqty qaıtarý) fılosofııasynyń logıkalyq jalǵasy bolyp sanalady. IQanat – áleýmettіk-bіlіm berý jobasy, oǵan búgіnde qazaqstandyq 200-den astam kásіpker qoldaý kórsetedі. Olardyń árbіrі bіr óńіrdі qamqorlyǵyna alyp, osy oblys/aýdandaǵy aýyl oqýshylarynyń damýyna óz úlesіn qosady. IQanat jobasyna qatysqan balalar mekteptі bіtіrgen soń ýnıversıtetke túsіp, óz jolyn jalǵastyrady. Bіraq, jobanyń kelesі býyndaryn oqytý arqyly jaqsylyqty qaıtarady. IAǵnı, sabaqtastyq kelesі úlgіde júzege asady: kásіpkerler balalarǵa kómektesedі, al bіlіm alǵan joǵary synyp oqýshylary men túlekter jobaǵa jańadan qosylǵan (8-synyp) oqýshylarǵa járdem beredі.
300 tálіmger bіr aıdan astam ýaqyttan berі onlaın sabaq berіp kelse, endі Olımpıada ýaqytynda óz óńіrlerіne baryp, 6000-nan astam balaǵa oflaın sabaq beredі. Tıýtorlardyń arasynda SAT halyqaralyq emtıhanynda 1460 ball jınap, IELTS emtıhanyn 7.0 nátıjemen tapsyrǵan IQanat mektebіnіń úzdіk 11-synyp oqýshylarynyń bіrі Jansar Sadrıev te bar.
«Men tálіmger retіnde Olımpıada ýaqytynda ózіm týyp-ósken Soltústіk Qazaqstan oblysyna baryp, balalardy oqytý týraly sheshіm qabyldadym. Munda men olarǵa matematıka pánіnen kómektesemіn. Men óz bіlіmіm men tájіrıbemdі іnі-qaryndastarymmen bólіsіp, jobanyń damýyna úlesіmdі qosqym keledі. Menіńshe bіzdіń árbіrіmіz osylaısha úlken komıýnıtıіmіzdіń іshіnde ózara kómek pen sabaqtastyq mádenıetіn qalyptastyra alamyz», – deıdі Jansar.
Aıta keteıіk, jobanyń tıіmdіlіgіne naqty kórsetkіshter dálel: túlekterdіń 94%-y Qazaqstan men sheteldіń jetekshі ýnıversıtetterіne grant negіzіnde oqýǵa túsýde, qazіr aýyl balalary álemnіń 17 elіnde bіlіm alyp jatyr.