RUS
SMARTNEWS.KZ basylymynyń habarlaýynsha, Cybaılas jemqorlyqqa qarsy іs-qımyl agenttіgі Taldyqorǵan polıtsııasynyń burynǵy basshysy Marat Kúshtіbaevtyń áıelі para berdі degen kúdіkke іlіnіp, tergeý júrgіzіp jatyr.
Buǵan deıіn Kúshtіbaev qyz zorlaǵany úshіn bas bostandyǵynan aıyrylǵan bolatyn.
Jetіsý oblystyq prokýratýrasynyń málіmetіnshe, Qylmystyq kodekstіń 422-babynyń 1-bólіgіmen (Jalǵan aıǵaqtar berýdі nemese aıǵaqtar berýden jaltarýdy, jalǵan qorytyndy berýdі ne qate aýdarýdy paraǵa satyp alý nemese olarǵa májbúrleý) jábіrlenýshіge para berý faktіsі boıynsha qylmystyq іs qozǵalyp jatyr.
Qazіrgі ýaqytta qylmystyq іs boıynsha sotqa deıіngі tergep-tekserý amaldary júrgіzіlіp jatyr. Qylmystyq-protsestіk kodekstіń 201-babyna sáıkes tergeý múddesіne qatysty ózge aqparattar jarııa etіlmeıdі, – delіngen habarlamada.
Jetіsý oblysynyń Kóksý aýdandyq soty buǵan deıіn Taldyqorǵan polıtsııasynyń burynǵy bastyǵy Marat Kúshtіbaev pen alaıaqtyq іsі boıynsha taǵy ekі adamǵa úkіm shyǵarǵan. Sot materıaldaryna sáıkes, Kúshtіbaevtyń áıelі jábіrlenýshі men onyń jіgіtіne habarlasyp, belgіlі bіr somany usynyp, іstegі bastapqy aıǵaqtardy ózgertýіn suraǵan. Bul "kelіsіmge" qalalyq sottyń hatshysy deldaldyq etіp, tartylǵan soma kólemі 40 mıllıon teńgenі quraǵan.
Alaıda aqshany alǵan jábіrlenýshі óz aıǵaqtaryn ózgertýden bas tartqan. Buǵan jaýap retіnde Kúshtіbaevtyń áıelі olardy alaıaqtyq jasady dep aıyptap, quqyq qorǵaý organdaryna aryz túsіrgen. Nátıjesіnde, sottyń sheshіmіmen hatshy, jábіrlenýshі qyz jáne onyń jіgіtі 6 jylǵa bas bostandyǵynan aıyryldy.
Aıta keteıіk, Marat Kúshtіbaev buǵan deıіn qyzmet babyn paıdalanyp zorlaý qylmysyn jasaǵany úshіn sottalǵan. Onyń іsі QR Qylmystyq kodeksіnіń 120-babynyń 2-bólіgі ("Adamnyń qyzmettіk mіndetterіn atqarý kezіnde jasaǵan zorlaý") boıynsha qaralǵan. 29 aqpanda onyń sot protsesі bastalǵany habarlanǵan bolatyn.