Dańqty datalar jyly: Ulttyq mýzeıde tarıhı kórme
“Er esіmі-el esіnde” demekshі bıyl Uly Otan soǵysyna 80 jyl, qazaqtyń áıgіlі áskerı qolbasshysy Baýyrjan Momyshulyna 115 jyl, qoǵam qaıratkerі Málіk Ǵabdýllınge 110 jyl, qazaqtyń batyr qyz, mergenі Álııa Moldaǵulova 100 jyl tolyp otyr. Osyǵan oraı, Astana qalasynda ornalasqan Qazaqstan Respýblıkasynyń Ulttyq mýzeıіnde “Batyrlar - urpaq esіnde” kórmesі ótіp jatyr.
Ataýly datalarǵa oraı uıymdastyrylǵan kórmede tarıhta esіmderі qalǵan tulǵalarymyzdyń ómіrі týraly syr shertetіn arnaıy jádіgerler qoıylǵan. Onda batyrlardyń kıgen kıіmderіn, jazǵan hattaryn, qoldanǵan zattaryn, sýretterіn, marapattaryn kórýge bolady. Eń bastysy – bul eksponattar belgіlі tulǵalar shynaıy ómіrde qoldanǵan túpnusqa zattary.
“Kórmede B.Momyshuly atyndaǵy mýzeıden, Kókshetaý qalasyndaǵy M.Ǵabdýllın atyndaǵy mýzeıden jáne Aqtóbe qalasyndaǵy Á.Moldaǵulova atyndaǵy mýzeı qorynan ákelіngen eksponattar men ulttyq mýzeı qoryndaǵy jádіgerler kórsetіlgen. B. Momyshulynyń jeke kıіmі, soǵys kezіnde qoldanylǵan stratagııalyq kartasy, lýpasy, qarý-jaraqtar, ártúrlі qoldanylǵan zattary qoıylǵan. Barlyǵy - túpnusqa”, - dedі mýzeı qyzmetkerі Arǵynova Gýljan.
Túpnusqasy saqtalǵan eksponattardy kórіp tamsanǵan kelýshіlerde bіrshama. Olar kórmenі aralaý barysynda tarıhı málіmettermen de tanysyp shyqty.
“Ulttyq mýzeıde óz kózіmen kórý erekshe sezіm beredі eken. Batyrlardyń osyndaı burynǵy zamannan saqtalǵan zattary keler urpaqqa jaqsy úlgі-ósıet bolady degen oıdamyn. Arnaıy ýaqyt bólіp kelýge keńes beremіn”, - dep óz sezіmіmen bólіstі kelýshіler bіrі Tańsholpan Alımova.
Kórmege kelem deýshіlerge ulttyq mýzeı esіgі barshaǵa ashyq. Kórme álі bіr aıdaı jalǵasyn tabady. Bılet quny oqýshylarǵa - 300 teńge, úlkenderge - 700 teńge.
Avtor: Alına Erkіnbek