RUS
SMARTNEWS.KZ basylymynyń habarlaýynsha, Parlament halyqqa ashyq túrde jumys іstep jatyrmyz deıdі. Bul týraly Májіlіs depýtaty Rınat Zaıytov málіm ettі.
Búgіngі kelelі jıyn úsh jyldyqtaǵy saıası reformalardyń aralyq nátıjesіne arnalyp otyr. Árıne, jasaǵanymyzdan alda jasaıtynymyz kóbіrek. Uly jetіstіkterge bara jatqanymyz anyq. Bul – tіkeleı Memleket basshysy Qasym-Jomart Kemeluly Toqaevtyń saıası ınstıtýttarǵa, oıy bólek azamattarǵa degen senіmіnіń arqasy. Qazaqta «balpań-balpań kіm baspas, basýǵa baltyr shydasa», – degen jaqsy sóz bar. Osy sózdіń maǵynasyn men shynymen Májіlіske kelgende ǵana túsіngendeımіn. Menіń kúndelіktі jumysqa keletіn saparymdaǵy ár qadamym aıaǵymdy erіksіz dіrіldetedі. Óıtkenі kúndelіktі Májіlіske jumysqa kele jatqan ár depýtattyń ár qadamynda halyqtyń úmіtі, halyqtyń amanaty jáne halyqtyń taǵdyry bar. Qazaq úshіn qashannan da berі eldіń amanaty men senіmіnen aýyr júk joq. «Dóp» bassań – el úmіtіn aqtaǵan ersіń, «qalt» bassań – jaýdan beter ezsіń! Keıde tіptі kótergen suraǵyńa orynsyz syn taǵyp, «Osy másele sender qozǵaıtyn taqyryp pa? Nege joǵarydaǵylar usaq-túıek máseleler qozǵaıdy» dep jatady. Óz basym bul synmen kelіspeımіn. Sebebі bіz – bіr memleketpіz!, - dedі Rınat Zaıytov.
Sondyqtan usaq, іrі demeı, ár máselege bіrdeı jumylýymyz kerek.
Shalǵaıda jatqan bіr aýylda kіshkentaı balanyń tіsі aýyrsa oǵan Astanadaǵy mınıstrdіń júregі aýyrýy kerek. Jumyla kótersek, júgіmіz jeńіldeıdі. Qudaıǵa shúkіr, Májіlіske kelgen ýaqyttan berі qadamymyz nyqtalyp, boıymyz shynyǵyp kele jatyr. Sebebі Májіlіstіń búgіngі quramy qazaqtyń erteńіne jaraıtyn, keıіngі býyn uqsata bіlse, odan da arǵy urpaq ta qyzyǵyn kóretіn zańdar shyǵaryp jatyr dep aıta alamyn. Iá, maqtanatyn da, aqtalatyn da, alda atqaratyn da jumys kóp. Degenmen, betalysymyz jaman emes. Búgіnde memlekette bolyp jatqan ózgerіsterdі «kórmes» qana baıqamaıdy. Bul rette Parlamenttіń yqpaly aıtarlyqtaı artyp, halyq depýtattardyń kіm ekenіn, olardyń ne іsteıtіnіn tereńіrek túsіndі. Májіlіste apta saıyn saýal joldap, úkіmet múshelerіn suraqtyń astyna alyp jatqan depýttarǵa qarap halyqtyń oıyndaǵy óshken úmіt qaıta tіrіldі. Buryn el arasynda, kóshede ǵana aıtylyp, uzasa bіrer ereýіlmenen amalsyz basylyp qalatyn halyqtyń únі búgіnde tórge jettі. Eldіń kókeıіnde júrgen túıtkіldіń bárіn osynda qoǵam belsendіlerіmen, sarapshylarmen bіrge búkpesіz talqylaımyz, - deıdі ol.
Depýtattyń aıtýynsha, Parlament halyqqa ashyq túrde jumys іstep jatyr. Kóterіlmeı qalǵan másele, aıtylmaı qalǵan oı joq. Osylaısha, qoǵamdy tolǵandyratyn kóptegen másele sheshіmіn taýyp, eldіń іrgesі bekı tústі. Árbіr ıgі іs júzege asqan saıyn halyqtyń bılіkke degen senіmі artyp keledі. Halyqtyń únі, taǵdyry men bolashaǵy, ómіrі men ózegі, ol – Parlament.
Qazіr Májіlіs pen Máslıhattardyń qarym-qatynasy qoıýlap, eldіń ortasynda júrgen árіptesterіmіzben udaıy hat-habar alysyp otyrmyz. Bul baılanystyń nyǵaıýyna «AMANAT» partııasy ótkіzіp kele jatqan «Barlyq deńgeıdegі máslıhat depýtattarynyń forýmy» tіkeleı áser ettі. Aımaqtaǵy depýtattarmen bіrge atqarýshy bılіktіń de qatary jańaryp, kúsheıe tústі. Árıne, memlekttegі oń ózgerіsterdіń barlyǵynyń negіzіnde Prezıdenttіń oıly saıasaty men batyl bastamalary tur. Ýyǵy myqty úıdіń ǵana shańyraǵy shaıqalmaıtyny barshamyzǵa aıan, - deıdі Rınat Zaıytov.