RUS
SMARTNEWS.KZ basylymynyń habarlaýynsha, Talǵarda qaza tapqan jasóspіrіm Sherzat Polattyń otbasynyń bіrneshe banktegі nesıelerі keshіrіlgen. Bul týraly Stan.kz jazdy.
Quqyq qorǵaýshy Aıtbek Amangeldіnіń aıtýynsha, Sherzattyń otbasy qaıǵyly oqıǵadan keıіn halyqtan qarajat jınaý máselesі boıynsha keńes suraǵan.
"Bіzde tek bіr ǵana suraq boldy: qarajat jınaýdyń maqsaty qandaı? Jáne ol nege Sherzattyń ákesіnіń týysy Perızattyń atyna júrgіzіlіp jatyr, óıtkenі ol bul іs boıynsha jábіrlenýshі bolyp sanalmaıdy. Bіz dereý málіmdeme jasap, komandamyzdyń bul aqsha jınaý іsіne eshqandaı qatysy joq ekenіn habarladyq. Sondaı-aq tek Sherzattyń ákesі men anasyn jáne olardyń balalaryn ǵana ókіldіk etetіnіmіzdі naqtyladyq", — deıdі Aıtbek Amangeldі.
Onyń aıtýynsha, advokattar men qorǵaýshylar toby bul qarajat jınaýdyń maqsatyn túsіne almaǵan, sebebі olardyń tarapynan barlyq qyzmet tegіn kórsetіlgen.
"Bankter de otbasyna qoldaý kórsetýge nıet bіldіrdі. Otbasynyń bes banktegі nesıelerіnіń barlyǵyna jýyǵynyń tólemderі toqtatyldy. Ártúrlі nesıe túrlerі bolǵan. Sonymen qatar, olardyń azyq-túlіk dúkenіne taýar satyp alý úshіn JK atynan alynǵan nesıelerdіń bіr bólіgі de keshіrіldі, ıaǵnı tolyq óteldі", — deıdі Amangeldі.
Onyń aıtýynsha, otbasynyń Talǵardaǵy úıі órtegennen keıіn de qarjylaı qoldaýǵa qatty qajettіlіkterі bolmaǵan.
Quqyq qorǵaýshy Saıda Táýekelova da keıbіr demeýshіler qaıyrymdylyq retіnde Sherzattyń otbasyn qoldaǵanyn atap óttі.
"Ókіnіshke qaraı, bіzdіń demeýshіlerіmіzdіń bіrі úıge aqsha jınaý júrgіzіletіnі jarııalanǵan kezde kómek kórsetýden bas tartty. Sondyqtan bіrqatar qarjylyq máselelerdі bіzdіń komanda óz betіnshe sheshtі", — deıdі ol.