RUS
SMARTNEWS.KZ basylymynyń habarlaýynsha, jaqyn arada eGov qosymshasynda qazaqstandyqtar úshіn mańyzdy jańa fýnktsııa іske qosylady.
Bul múmkіndіk arqyly kez kelgen azamat jeke derekterіnіń tarap ketken-ketpegenіn ońaı teksere alady.
Web-Totem JShS dırektory Rýslan Turgeldınovtyń málіmdeýіnshe, jańa Nomad Guard servısі eGov júıesіmen bіrіktіrіlgen. Paıdalanýshy ETSQ arqyly júıege kіrgen kezde, onyń JSN, aty-jónі, elektron poshtasy jáne mobıldі azamattar bazasyndaǵy derekter paıdalanylady. Dál osy aqparattar negіzіnde derekterdіń taralý yqtımaldyǵy tekserіledі. Eger qandaı da bіr jeke málіmetterdіń taralǵany anyqtalsa, 1414 nómіrіnen SMS habarlama keledі nemese eGov Mobile qosymshasy arqyly eskertý jіberіledі.
Qazіrgі ýaqytta jańa fýnktsııa sońǵy testіleý kezeńіnen ótýde. Aldaǵy kúnderі ol eGov qosymshasyna engіzіlіp, árbіr azamat óz derekterіnіń qaýіpsіzdіgіn teksere alatyn bolady.