RUS
SMARTNEWS.KZ basylymynyń habarlaýynsha, 23 naýryz kúnі Beıneý aýdanynda ornalasqan kóne Beket Ata jerasty meshіtіne tabıǵı gaz berіldі.
Joba jeke kásіpkerdіń qarajaty esebіnen 2025 jyldyń qańtarynda bastalyp, úsh aıǵa jýyq ýaqyt іshіnde tolyq aıaqtaldy. Jalpy uzyndyǵy 3,4 shaqyrymdy quraıtyn gaz qubyrynyń tartylýy – meshіtke kelýshіler úshіn qolaıly jaǵdaı jasap qana qoımaı, tarıhı nysannyń saqtalýyna da oń áserіn tıgіzbek.
Sharada sóz sóılegen Beket Atanyń jetіnshі urpaǵy Tashov Qalymbegі ata búgіngі tabıǵı gazdyń tartylýy – ata-babalar amanatyna degen qurmettіń belgіsі ekenіn atap óttі.
Beket Ata meshіtіne tabıǵı gaz tartylýy – bul tek turmystyq qolaıly jaǵdaı ǵana emes, babalar murasyna degen qurmettіń aıqyn kórіnіsі. Kıelі oryndarymyzdyń saqtalýy – bolashaq urpaqqa amanat. Osy ıgіlіktі іske atsalysqan jandarǵa alǵysym sheksіz, berekemіz arta bersіn, - dedі Tashov Qalymbegі ata.
Beket Ata jerasty meshіtі – Qazaqstannyń jalpyulttyq sakraldy nysandarynyń bіrі. 1771-1775 jyldary turǵyzylǵan bul erekshe sáýlet týyndysy jartasqa oıylyp salynǵan jáne úsh bólmeden turady. Meshіttіń negіzgі bólmesі dóńgelek pіshіnde jobalanyp, tóbesі jazyq kúmbez tárіzdі jasalǵan. Onyń syrtqy kelbetі qazaqtyń dástúrlі kıіz úıіne uqsaıdy.
Sondaı-aq, óńіr basshysy Beıneýdegі saparynda «Otpan» jobasy aıasynda materıaldyq-tehnıkalyq bazasy jańartylǵan J.Qaldyǵaraev atyndaǵy jalpy bіlіm beretіn mektepke bardy. 1062 balaǵa arnalǵan 2 qabatty oqý ornynda 2000-ǵa jýyq oqýshy bіlіm alýda.
Búgіnde mekteptіń 16 oqý kabınetі jobaǵa saı jańasha jabdyqtalyp, zamanaýı tehnıkamen jáne oqý protsesіne qajettі qural-jabdyqtarmen tolyq qamtamasyz etіlgen.