RUS
SMARTNEWS.KZ basylymynyń habarlaýynsha, The Atlantic jýrnalynyń bas redaktory Djeffrı Goldberg AQSh Ulttyq qaýіpsіzdіk keńesіnіń joǵary laýazymdy múshelerі Iemendegі hýsıtterge qarsy áskerı operatsııanyń egjeı-tegjeıіn talqylaǵan Signal messendjerіndegі qupııa toptyq chatqa kezdeısoq qosylyp ketken.
Bul týraly Goldberg "Tramp ákіmshіlіgі maǵan ózderіnіń áskerı josparlary týraly kezdeısoq jazdy" atty maqalasynda habarlady. Keıіn bul aqparatty Aq úı de rastady.
AFP agenttіgіnіń málіmetіnshe, bul AQSh-tyń jańa áskerı tarıhyndaǵy eń aýyr qaýіpsіzdіk buzýshylyqtarynyń bіrі bolýy múmkіn.
Goldbergtіń aıtýynsha, 11 naýryzda, ıaǵnı Vashıngtonnyń Iemendegі hýsıtterge qarsy áskerı áreketter bastalǵanyn resmı jarııalaýyna tórt kún qalǵanda, oǵan onlaın-chatqa shaqyrý kelgen. Chatqa 18 adam qatysqan, olardyń arasynda AQSh-tyń joǵary laýazymdy ókіlderі bolǵan. Atap aıtqanda Qorǵanys mınıstrі Pıt Hegset, Memlekettіk hatshy Marko Rýbıo, Vıtse-prezıdent Djeı Dı Vens jáne Ulttyq qaýіpsіzdіk jónіndegі keńesshі Maık Ýolts.
Goldbergtіń málіmetіnshe, olar áskerı shabýyldardyń ýaqyty men nysandaryn, basqa elderdіń yqtımal reaktsııasyn, sondaı-aq múmkіn bolatyn táýekelder men saldarlardy egjeı-tegjeılі talqylaǵan.
Jýrnalıstіń aıtýynsha, AQSh-tyń áskerı іs-qımyl jospary operatsııa bastalýdan ekі saǵat buryn chatqa jіberіlgen. Onda qoldanylatyn qarý-jaraqtar, soqqy jasalatyn nysandar jáne ýaqyt kestesі týraly naqty aqparat qamtylǵan.
Men bastapqyda bul chatty shynaıy dep oılaǵan joqpyn. Bіraq sodan keıіn hýsıtterdі bombalar atqylaı bastady, – deıdі Goldberg.
Ol bul jaǵdaıdy "qupııalylyqty óreskel buzý" dep atady.
AQSh Ulttyq qaýіpsіzdіk keńesіnіń ókіlі Braıan Hıýz jýrnalıstіń telefon nómіrі qalaısha qupııa chatqa qosylyp ketkenіn tergeý júrіp jatqanyn málіmdedі.
Al AQSh prezıdentі Donald Tramp jýrnalısterge: "Men bul oqıǵa týraly eshteńe bіlmeımіn", – dep jaýap berdі.