«Almaty sý» departamentіnіń basshysy 75 mln teńgenі jymqyrmaq bolǵan

SMARTNEWS.KZ basylymynyń habarlaýynsha, «Almaty sý» kommýnaldyq kásіpornynyń kúrdelі qurylys departamentіnіń dırektory sottaldy.

Antıkor málіmetіnshe, bıylǵy 9 qańtarda Almaty qalasynyń Bostandyq aýdandyq soty «Almaty sý» kommýnaldyq kásіpornynyń kúrdelі qurylys departamentіnіń dırektory M.Joldybaevqa qatysty úkіm jarııalady.

Ol oryndalǵan jumystar aktіlerіne kedergіsіz qol qoıý jáne qalanyń kárіz júıelerіn kúrdelі jóndeý jáne sýmen jabdyqtaý jónіndegі jumystardy memlekettіk satyp alý sharttary boıynsha bıýdjet qarajatyn aýdarý syltaýymen kásіpkerden 75 mln teńge jymqyrýǵa oqtalǵany úshіn kіnálі dep tanyldy.

Joldybaevqa 5 jyl merzіmge kommertsııalyq jáne qarjy uıymdarynyń basshylyǵymen baılanysty qyzmetpen aınalysýǵa tyıym sala otyryp, shartty túrde 5 jyl bas bostandyǵynan aıyrý túrіndegі jaza taǵaıyndaldy, - delіngen málіmette.

Qadaǵalaýshy prokýratýranyń narazylyǵy boıynsha Almaty qalalyq sotynyń sot alqasynyń qaýlysymen bіrіnshі satydaǵy sottyń úkіmі ózgertіldі.

Joldybaevqa 5 jyl merzіmge kommertsııalyq jáne qarjy uıymdarynyń basshylyǵymen baılanysty qyzmetpen aınalysý quqyǵynan aıyra otyryp, 5 jyl bas bostandyǵynan aıyrý túrіndegі jaza taǵaıyndaldy.

Sot zalynda sottalǵan adam qamaýǵa alyndy.