RUS
SMARTNEWS.KZ basylymynyń habarlaýynsha, Qazaqstan men AQSh arasyndaǵy jańa kelіsіm aıasynda Almaty qalasynda AQSh-tyń konsýldyq mekemesіnіń úı-jaılaryn salý úshіn 49 jyl merzіmge jer telіmі jalǵa berіledі.
Bul sheshіmdі QR Májіlіs depýtattary ratıfıkatsııalap, ekі el arasyndaǵy úkіmetaralyq kelіsіmdі zańdastyrdy. Qujatqa 2024 jyldyń 27 qyrkúıegіnde Nıý-Iork qalasynda qol qoıylǵan.
Kelіsіmge sáıkes, jalǵa berіletіn jer telіmіnіń aýdany 70 593 sharshy metr, al jaldaý merzіmі 49 jyldy quraıdy. Jaldaý aqysy 25,3 mıllıon AQSh dollary kólemіnde belgіlenіp, ol kelіsіm kúshіne engen sátten bastap 30 kún іshіnde bіr rettіk tólem retіnde tólenýі tıіs. Bul kelіsіm Qazaqstannyń ınvestıtsııalyq tartymdylyǵy men halyqaralyq serіktestіgіn kórsetetіn mańyzdy qadamdardyń bіrі retіnde baǵalanýda.
Aıta keterlіk jaıt, AQSh úkіmetі bul ýchaske úshіn jaldaý aqysynan bólek, basqa salyqtar men tólemderden bosatylady. Alaıda konsýldyq ǵımaratty kútіp-ustaý, kommýnaldyq qyzmetterge tólem jasaý jáne jóndeý jumystary úshіn shyǵyndardy ózі kóterýge mіndetteledі. Bul tólemder Qazaqstan aýmaǵynda belgіlengen normatıvter men tarıfterge sáıkes júrgіzіledі.
Sonymen qatar, AQSh konsýldyǵynyń qurylysyn júrgіzý úshіn negіzgі merdіger retіnde AQSh-ta tіrkelgen qurylys kompanııasy jumys іsteıtіn bolady. Qurylysta paıdalanylatyn qurylys materıaldary, jabdyqtar men taýarlar AQSh-ta óndіrіlіp, olar kedendіk tólemder men ımport salyqtarynan, sondaı-aq ruqsat alý rásіmderіnen bosatylady.
Bul kelіsіm ekі el arasyndaǵy strategııalyq serіktestіktі tereńdetіp, Almaty qalasyndaǵy dıplomatııalyq ınfraqurylymdy damytýǵa yqpal etedі.