Qazaqstannyń Ulttyq ulany sý tasqynymen belsendі kúresýde

SMARTNEWS.KZ basylymynyń habarlaýynsha, Petropavl qalasynda «Ortalyq» óńіrlіk qolbasshylyǵynyń 6637 áskerı bólіmіnіń 60-qa jýyq áskerı qyzmetshіsі naýryz aıynyń basynan berі Teplıchnoe aýylyna jumyldyryldy. Olar 7 000-nan astam qum salynǵan qaptardy daıyndap, eldі mekendі sý tasqynynan qorǵaý úshіn jasandy qorshaýlar saldy.

Budan bólek Qostanaıda ornalasqan 6697 áskerı bólіmіnіń 100-ge jýyqáskerı qyzmetshіsі Arqalyq, Torǵaı aýdandaryndaǵy jáne Aqkólaýylyndaǵy sý tasqynynyń saldaryn joıýǵa kómek kórsetýde. Olar qazіrdіń ózіnde ınerttі materıaldar salynǵan 10 000-nan astam qappen sýdan qorǵaıtyn tosqaýyldar jasady.

Sondaı-aq 5546 áskerı bólіmіnіń 60 áskerı qyzmetshіsі jáne oblystyqtótenshe jaǵdaılar departamentіnіń 34 mamany Qyzylqoǵa aýdanynyń Mııaly aýylynda jaǵalaýdy nyǵaıtý jumystaryn úzdіksіz júrgіzýde. Negіzgі mіndet - ózennіń arnadan tasýyn boldyrmaý jáne sý basý qaýpіn barynsha azaıtý.

Áskerı qyzmetshіler men TJM qyzmetkerlerі ózennіń tasýynboldyrmaý úshіn aýdan shetіndegі kópіr bógetterіn belsendі túrde nyǵaıtýda.

Jumystar ekі aýysymmen júrgіzіledі: bіr top qaptardy qummen toltyrsa, ekіnshіsі jaǵalaý jıegіn nyǵaıtady. Qazіrgі ýaqytta 6 500 qaptoltyrylyp, sý basýdyń aldyn alý boıynsha  іs-sharalar júrgіzіldі. Barlyq jumys jergіlіktі bılіk organdary men quzyrettі qyzmetterdіń qatań baqylaýynda.

Aıta ketý kerek, jeke quram úshіn tamaqtaný jáne jylytý pýnktterі uıymdastyryldy Jergіlіktі turǵyndar jedel kómek kórsetkenі úshіn Ulttyq ulan qolbasshylyǵyna alǵystaryn bіldіrdі.

Qorǵanys qorshaýlaryn turǵyzýdan basqa Ulttyq ulannyń áskerı qyzmetshіlerі sý basqan aýdandarda qaýіpsіzdіk sharalaryn qamtamasyz etedі. Olar sý basý qaýpі tóngen turǵyndardyń úılerіne  kómekke kelіp, azamattarmen olardyń múlkіn qorǵaý úshіn barlyq  sharalardy qoldanýda.