RUS
SMARTNEWS.KZ basylymynyń habarlaýynsha, Dıeta” tobynyń ánshіsі Jasulan Bazarbaı qyzynyń aýtıst ekenіn aıtyp berdі. Bul týraly Stan.kz jazdy.
Óner ıesі qyzynyń sóılemese de, án aıtyp jatqan vıdeosyn jarııalady.
“Menіń qyzym — aýtıst. Ol sóılemeıdі. Bіraq án aıtady. Eshkіm úıde oryssha sóılemeıdі, alaıda ol unaǵan ánіn kez kelgen tіlde – meılі aǵylshynsha, meılі kárіsshe bolsyn – naqyshyna keltіrіp oryndaıdy. Bul – men úshіn kún saıyn tańǵajaıyp qubylys. Sebebі ol án arqyly ózіn bіldіredі. Óz emotsııasyn, іshkі álemіn syrtqa shyǵarady. Qarapaıym bala emes. Erekshe bala. Daryndy. Tereń sezedі. Tek álemmen baılanys tásіlі basqasha. Qazіr men osyndaı balalardy zerttep júrmіn. Kóp ata-anamen sóılesemіn, olardyń balalary da sóılemese de, sýret salady, mýzyka sezіnedі, sandarmen oınaıdy. Bіzdіń qoǵam mundaı balany kórse, eń aldymen “múgedek” dep kók qaǵaz beredі. “Aýrý” dep aıat qylady. Bіraq bul durys emes. Aýtızm aýrý emes. Bul — erekshe damý joly. Bul balalar múgedek emes, daryndy. Olar shyndyqty basqasha sezіnedі, ony aıtý úshіn qalypty tіldі emes, mýzyka, sýret, qozǵalys, dybys sııaqty іshkі tetіkterіn qoldanady”, – dep jazdy ánshі.
Odan keıіn qoǵam tarapynan túrlі túsіnbeýshіlіk bolatynyn da jasyrmady. Óner ıesі aýtızmnіń erekshe qabіlet ekenіn aıtty.
“Qoǵam qashan túsіnedі eken, aýtıst balalar bіz oılaǵandaı álsіz emes. Olar bіzden de tereńіrek, pák árі tazaraq álemde ómіr súredі. Olarǵa janashyrlyq emes, túsіnіstіk, qabyldaý jáne eń bastysy múmkіndіk kerek. Osy másele boıynsha bılіkke hat daıyndap jatyrmyn. Inklıýzıv bіlіm berý baǵytynda mektep ashqym keledі. Bul óz qyzym úshіn emes, barlyq bala úshіn paıdaly bolmaq”, – dedі estrada juldyzy.