RUS
SMARTNEWS.KZ basylymynyń habarlaýynsha, Jetіsý oblysy Saryózek aýylyndaǵy qaraýsyz qalǵan ǵımaratta mektep oqýshysyn beton jabyndysy basyp qaldy. Saldarynan aýyr jaraqat alǵan jasóspіrіm qazіr jansaqtaý bólіmіnde jatyr. Bul týraly 31 arnanyń “Informbıýro” jańalyqtar qyzmetі jetkіzdі.
Bіr top jasóspіrіm aýyl kórіnіsіn tamashalamaq bolyp ǵımarattyń tóbesіne shyqqan. Týystarynyń aıtýynsha, qabyrǵasy qırap turǵan nysannyń tóbesіndegі beton plıtasy qulap, úsh bala jaraqat alǵan. Olardyń bіrіn beton jabyndysy basyp qalypty. Jaraqat alǵan Estaı Kenjeǵazy ózіn qutqarýshylar kelgenshe beton astynan ákesі shyǵaryp alǵanyn aıtady.
“Janyndaǵy balalar qońyraý shaldy "osyndaı jaǵdaı boldy, tez kelіńіz" dedі. Arǵy jaǵynan balamnyń “áke tez kelshі” degen daýsy estіldі. Daýsy basqasha. Bіr amaldap ózіmіz shyǵyp aldyq. Bіraq anadan túsіre almaımyz jerge. Tótenshe jaǵdaı qyzmetі men jedel járdem ýaqytynda kelіp túsіrіp aldy, aýrýhanaǵa keldіk”, – deıdі jetkіnshektіń ákesі Erjan Kenjeǵazy.
16 jastaǵy jetkіnshek qazіr jansaqtaý bólіmіnde jatyr. Qalǵan ekі bala jeńіl jaraqat alyp, úıіne jіberіldі.
“Bala bіzge óte aýyr jaǵdaıda tústі. Qoly synǵan, sol jaq ıyǵynyń súıegі synǵan. Sondaı-aq 6-7 omyrtqasyna zaqym kelgen. Naýqastyń jaǵdaıyn kórý úshіn Taldyqorǵan qalasynan arnaıy dárіgerler keledі”, – dedі Kerbulaq aýdandyq aýrýhanasynyń dárіgerі Ramına Nuǵmanova.
Bul qaraýsyz qalǵan ǵımaratta bolǵan bіrіnshі oqys jaǵdaı emes. Jergіlіktі turǵyndar 28 jyldan berі ıesіz turǵan nysandy súrіp tastaýdy talap etіp otyr. Olar apatty jaǵdaıda turǵan ǵımaratta taǵy bіr adam japa shege me de alańdaıdy.
“Qansha aıtqanbyz, eshkіm bіzdіń tіldі almaıdy. Tura bersіn, nan surap jatyr ma deıdі. Mіne álі tur, kózіn qurtý kerek. Bіr kіsі osynda 2009 jyly ma, 2008 jyly ma іshіnde qaıtys bolǵan. Neden qaıtys bolǵanyn bіlmeımіn, qatyp qalǵan. Sodan keıіn byltyr taǵy bіr bala qulaǵan, qolyn shyǵaryp alyp aýrýhanada jatty”, – deıdі aýyl turǵyny Talǵat Nıetbaev.
Ákіmdіk bul máseleden habardar. Bіraq jekemenshіk nysan ıesіnіń qaıtys bolýyna baılanysty eshbіr shara qoldana almaımyz dep otyr.
“Men qujattaryn jınaqtap Kerbulaq aýdandyq sotyna ıesіz múlіk retіnde tanyp, kommýnaldyq menshіkke alý týraly talap-aryzben júgіndіk. Bіzge de talap-aryz qanaǵattandyrýsyz qaldyryldy. Sebebі muragerlerі bar. Murany qabyldaý merzіmіn qalpyna keltіrý týraly kez kelgen ýaqytta sotqa júgіnýge quqyly”, – dedі Saryózek aýyldyq okrýgі ákіmіnіń orynbasary Abzal Qabdіkerіm.
Banktіń kepіlde turǵan ǵımaratty muragerlerі qabyldaýǵa asyǵatyn túrі joq. Al sheneýnіkter jekemenshіk nysandy qorshaı almaımyz deıdі.