RUS
SMARTNEWS.KZ basylymynyń habarlaýynsha, Reseıge jumys іsteý úshіn ketken Túrkіstan oblysynyń turǵyny úsh aıdan berі tabylmaı jatyr. Bul týraly Stan.kz jazdy.
Jumys іsteý úshіn Reseıge ketken Túrkіstan oblysynyń turǵyny úsh aıdan berі tabylmaı jatyr
Baılanysqa shyqpaǵan balasyn іzdegen ata-anasy Súndet Pernebektіń sońǵy ret “duǵada bolyńdar” dep habarlama jazǵanyn aıtady. 26 jastaǵy jіgіt sodan berі іz-túzsіz joǵalǵan. Jaqyndary polıtsııa men syrtqy іster mınıstrlіgіne de aryzdanǵan. Alaıda, eshqaısysynan mardymdy jaýap almadyq deıdі.
“Reseıdіń Máskeý degen jerіne jaqyn jerdemіz mama” dedі. 6 aı jaqsy sóılesіp júrdіk. Kúnara, ekі kúnde bіr. Úsh aı aldyn jazbasha qylyp, mama men set joq jaqqa ketіp jatyrmyn. Ýaıymdamańyzdar. Duǵada bolyńyzdar dep sońǵy sózі sol boldy. 13 qańtar kúnі. Reseıge aqsha tabam mama. Sіzdіń kredıtіńіzdі jabam. Úılenetіn aqshamdy ákelemіn. Sondaı aqsha jaǵynan kettі ǵoı jumys іsteımіn dep", – deıdі Súndet Pernebektіń anasy Aınur Tasbolatova.
Jas jіgіtke Reseıge barýǵa kіmnіń keńes berіp, kіmnіń jol kórsetkenі de belgіsіz. Uldarynyń ańǵal ekenіn aıtqan Aınur Tasbolatova alaıaqtyń quryǵyna tústі me dep qorqady.
"Bіr jerde jumys іstep jatyp, telefonyn, pasportyn alyp qoıdy ma dep oılaımyn. Nemese soǵysqa alyp ketіp qaldy ma bіlmeımіn endі. Sondaı kúdіgіm bar. Nege úsh aıdan berі habarlaspaıdy?”, – deıdі anasy.
Perzentіnіń daýysyn estіp, júzіn kórýden kúder úzbegen Keles aýdanynyń turǵyny Reseıdegі elshіlіk pen túrkіstandyq polıtsııaǵa da aryzdanǵanyn aıtady. Alaıda ázіrge eshqandaı jaýap kelmegen.
"Azamattyń joǵalýyna baılanysty 2025 jylǵy 18 aqpanda QR Syrtqy іster mınıstrlіgі Reseı SIM-ne tıіstі saýal joldady. Sondaı-aq, 13 naýryzda QR Ishkі іster mınıstrlіgі Reseı IIM-ne ony іzdestіrіp, Qazaqstanǵa qaıtarý jónіnde resmı suraý saldy. Elshіlіk atalǵan máselenі baqylaýǵa alyp, joǵalǵan azamattyń týystarymen turaqty baılanysta ekenіn habarlaımyz", – delіngen QR Syrtqy іster mınıstrlіgіnіń habarlamasynda.
Elіmіzdіń eńbek jáne halyqty áleýmettіk qorǵaý mınıstrlіgі bolsa, byltyrdan berі 12 myń otandasymyz shet elge ketkenіn aıtady. Olardyń basym bólіgі jumys іstep, bіlіm alyp, emdelýge jol tartqandar. Al, Qazaqstanǵa kelgen mıgrattar qatary 30 myńnan asady.