Endі jeke kýálіktі onlaın alýǵa bolady

SMARTNEWS.KZ basylymynyń habarlaýynsha, sáýіrdіń sońyna deıіn jeke kýálіktі aýystyrý protsesі tolyǵymen onlaın formatqa kóshіrіledі. Endі fotosýrettіń talaptarǵa sáıkestіgіn maman emes, JI-model baǵalaıdy. Osylaısha, shamamen 1 mln adam HQO-ǵa barmaı-aq, ýaqytyn únemdeıdі.

TSıfrlyq damý, ınnovatsııalar jáne aeroǵarysh ónerkásіbі mınıstrі Jaslan Mádıevtіń aıtýynsha, ótken jyly Halyqqa qyzmet kórsetý ortalyǵynyń operatorlary 15,2 mıllıon qyzmet kórsettі. 

— Ótіnіshterdіń 80%-y on qyzmetke tıesіlі. Bіz memlekettіk organdarmen bіrlesіp, bul qyzmetterdі avtomattandyrý jáne balamasyz, tek onlaın formatqa kóshіrý boıynsha jol kartalaryn ázіrledіk. Bіrіnshі kezeńde: jeke kýálіktі aýystyrý, elektrondy tsıfrlyq qoltańba berý, eńbekshі mıgranttarǵa ruqsat berý qyzmetterі. Kelesі kezekte tіrkeý qyzmetterі tur: kólіk, jyljymaıtyn múlіk, jer qujattary. Maqsatymyz — jyl sońyna deıіn Halyqqa qyzmet kórsetý ortalyǵynyń júktemesіn 50%-ǵa deıіn azaıtý, — dedі Jaslan Mádıev Úkіmettіń búgіngі otyrysynda.

Mysaly, eń suranysqa ıe qyzmetterdіń bіrі — jeke kýálіktі aýystyrý. Buryn azamattardyń Halyqqa qyzmet kórsetý ortalyǵyna kelýі, foto túsіrýі jáne uzaq kezekte turýy qajet bolatyn.

— Aıdyń sońyna deıіn bul protsess tolyǵymen onlaın formatqa kóshіrіledі. Bіz protsesterdі sáttі synaqtan ótkіzdіk jáne fotosýrettіń talaptarǵa sáıkestіgіn mamannyń ornyna AI-model baǵalaıtyn júıenі oqyttyq. Protsess barynsha qarapaıym: ıdentıfıkatsııadan ótý, foto men qoltańbany júkteý, onlaın tólem jasap, qujat daıyn bolǵany týraly SMS kútý. Kezeksіz, barmaı-aq, bárі úıden shyqpaı jasalady. Atalǵan servıs shamamen 1 mıllıon adamnyń Halyqqa qyzmet kórsetý ortalyǵyna barý qajettіlіgіn joıady, — deıdі sala mınıstrі.