RUS
Osy maqsatta Astana Hub áıgіlі Draper University-men kelіsіm jasasyp, 20 perspektıvtі startapty Kremnıı alqabynda Hero Training ıntensıvtі baǵdarlamasy aıasynda damytatyn boldy.
Yntymaqtastyq týraly kelіsіmge 2023 jylǵy 10 naýryzda Astana Hub bas dırektory Maǵjan Mádıev pen Draper University prezıdentі Asra Nadeem San-Mateo qalasynda (Kalıfornııa shtaty) QR TSıfrlyq damý, ınnovatsııalar jáne aeroǵarysh ónerkásіbі mınıstrі Baǵdat Mýsınnіń AQSh-qa resmı sapary barysynda qol qoıdy.
«Memleket basshysy Qasym-Jomart Kemeluly eldegі IT-salanyń damýyna aıryqsha mán berýde jáne qoldaý kórsetýde. Os rette bіz startaptarymyzǵa úzdіk álemdіk tájіrıbenі usynǵymyz keledі. Kremnıı alqabynda ornalasqan Draper University qazіrdіń ózіnde kóptegen jas IT-kompanııalar úshіn tabysqa jetýdіń katalızatoryna aınaldy, óıtkenі ol jerde resýrstardyń, kapıtaldyń jáne halyqaralyq sarapshylardyń bіregeı úılesіmі bar, bul startaptardyń jyldam damýyna múmkіndіk beredі. Bіzdіń yntymaqtastyǵymyz baǵdarlama qatysýshylaryna óz bıznesіn jańa deńgeıge kóterіp, jaһandyq aýqymdaǵy kásіpkerlіkte básekege qabіlettі kompanııaǵa aınalýǵa múmkіndіk beretіnіne senіmdіmіn», - dedі mınıstr Baǵdat Mýsın.
Baǵdarlama mynadaı kezeńderden turady:
Úzdіk 80 joba ónіmdі ázіrleý jáne masshtabtaý, sondaı-aq halyqaralyq venchýrlyq qorlardan ınvestıtsııa tartý prıntsıpterі boıynsha 2 aptalyq onlaın baǵdarlamasyna qol jetkіze alady.
Úzdіk 20 joba tájіrıbelі tehnologııalyq kásіpkerler jáne sarapshylardyń jetekshіlіgіmen ınvestıtsııa tartý árі AQSh naryǵyna shyǵý úshіn Kremnıı alqabyndaǵy Draper University-de 6 aıǵa deıіn tegіn baspana jáne jumys ornymen qamtamasyz etіlіp, 5 aptalyq qarqyndy baǵdarlamasynan ótý múmkіndіgіne ıe bolady.
Draper Ecosystem - bul ınnovatsııalyq ekojúıenі qoldaý úshіn ozyq fasılıtatorlar men tálіmgerlerdіń, salalyq sarapshylardyń, korporatıvtіk serіktesterdіń jáne ınvestorlardyń teńdesі joq jelіsіn usyný arqyly talanttardy, sarapshylardy jáne ınvestorlardy bіrіktіrýdіń bіregeı tásіlі. Draper University negіzіn venchýrlyq kapıtal bıznesіnde 38 jyldyq tájіrıbesі bar Tım Draper qalady, onyń basqarýynda 11 qor bar, $7 mlrd ınvestıtsııa salǵan, onyń esebіnde 34 unicorn jáne 6 rhino kompanııa bar.
Hero Training baǵdarlamasyna ótіnіsh bıylǵy 7 sáýіrge deıіn qabyldanady, oqý HH bastalady. Sіlteme arqyly baǵdarlama sharttary týraly tolyǵyraq bіlіp, qatysýǵa ótіnіm joldaýǵa bolady.