Elіmіzde árbіr besіnshі áıel qaterlі іsіkten qaıtys bolady

SMARTNEWS.KZ basylymynyń habarlaýynsha, elіmіzde áıelder arasynda kezdesetіn jatyr moıny qaterlі dertі qaterlі іsіk aýrýlary arasynda ekіnshі orynda tur. Bul týraly Kazinform jazdy.

Densaýlyq saqtaý mınıstrlіgіnіń Ulttyq qoǵamdyq densaýlyq saqtaý ortalyǵynyń basqarma tóraǵasy Aıjan Esmaǵambetova málіmdeýіnshe, elіmіzde jyl saıyn shamamen 2 000 adamnan qaterlі іsіk tabylady. 

— Jatyr moıny qaterlі іsіgіnіń deńgeıі álemde de, elіmіzde de óte joǵary. Bul dert elіmіzde áıelder arasynda kezdesetіn qaterlі іsіkter arasynda ekіnshі orynda tur. Álemde jyl saıyn 600 myń adam osy aýrýǵa shaldyǵady. Qazaqstanda orta eseppen jatyr moıyn qaterlі іsіgіne shaldyqqan shamamen 2 myń naýqas anyqtalady, onyń 600-і qaıtys bolady, ıaǵnı ár besіnshі áıel jatyr moıny qaterlі іsіgіnen kóz jumady, - dedі Aıjan Esmaǵambetova elordada ótken іs-shara barysynda.

Odan árі ulttyq ortalyq basshysy vaktsına mańyzynyń úsh faktoryn atady, ıaǵnı tıіmdі, qaýіpsіz, árі reprodýktıvtі fýnktsııaǵa eshqandaı áser etpeıdі.

— Vaktsınatsııamen qamtý deńgeıі ár óńіrde ártúrlі. Keıbіr aımaqtarda 60%, keıbіrіnde 70%-ǵa jetken. Degenmen, vaktsınatsııa deńgeıі tómen aımaqtar da bar. Bul Atyraý oblysy, Astana men Almaty qalasy. Sondyqtan megapolısterde halyq arasynda túsіndіrý jumystaryn kóp júrgіzý qajet. Osy oraıda semınarlar serııasyn elordadan bastaýdamyz, - deıdі ol.

Aıta keteıіk, búgіn elordada Ulttyq qoǵamdyq densaýlyq saqtaý ortalyǵynyń uıytqy bolýymen adam papılloma vırýsyna (APV) qarsy ekpe egý sharasyna arnalǵan konferentsııa óttі. Atalǵan sharaǵa sala mamandary qatysty.