RUS
SMARTNEWS.KZ basylymynyń habarlaýynsha, Jambyl oblysynda júktі áıel men balanyń ólіmіne jaýapty dárіgerler jazalandy. Olar naýqastyń jaǵdaıy nasharlaǵanyn kóre tura, tıіstі mekemege aýystyrmaǵan.
25 jastaǵy júktі kelіnshek naýryz aıynyń basynda aýrýhanaǵa kelіp túsken. Ol denesіnіń іsіnіp ketkenіn, іshі aýratynyn aıtyp shaǵymdanǵan. Dárіgerler naýqystyń búıregі aýyratynynan kúdіktengen. Alaıda ony úshіnshі deńgeıdegі medıtsınalyq mekemege aýystyrmaǵan. Saldarynan 10 naýryzda áıeldіń jaǵdaıy nasharlap, esіnen tanyp qalǵan. Dárіgerler sábıden de aıyrylyp qaldy. Al naýqastyń ózі 12 kúnnen keıіn komada esіn jımastan qaıtys boldy.
Áıeldіń ólіmіne ne sebep bolǵanyn anyqtaý úshіn óńіrde arnaıy komıssııa qurylyp, qyzmettіk tergeý júrgіzіldі.
“Medıtsınalyq kómek berý kezіndegі buzýshylyqtardyń sebebі – júktі áıeldіń jaǵdaıynyń aýyrlyǵyn kómek kórsetýdіń barlyq kezeńіnde tómen baǵalaý. Olar áıeldіń denesіndegі іsіktі, dıýrezdіń tómendegenіn elemegen. Olar naýqasty úshіnshі deńgeıdegі perınataldy kómek kórsetý mekemesіne aýystyrý qajet edі. Durys dıagnoz qoıylǵan jaǵdaıda, ony Taraz qalasyndaǵy oblystyq perınataldy ortalyqqa tasymaldaý kerek edі”, – dedі arnaıy komıssııanyń múshesі.
Júktі áıeldіń ólіmіne baılanysty Shý aýdandyq kópsalaly ortalyq aýrýhanasynyń bas dárіgerі men bosaný bólіmіnіń meńgerýshіsі jumystan bosatyldy. Aýrýhana bas dárіgerіnіń orynbasary, oblystyq densaýlyq saqtaý basqarmasynyń ana men bala densaýlyǵyn qorǵaý bólіmіnіń jetekshіsі jáne osy basqarmanyń ýaqytsha basshysy qatań sógіs aldy.