«Negіzsіz qymbat bıletter satty»: Fly Arystan-ǵa qatysty tergeý júrіp jatyr

SMARTNEWS.KZ basylymynyń habarlaýynsha, atalǵan áýe kompanııasynyń bılet baǵasyn negіzsіz kótergenі anyqtalǵan jaǵdaıda ákіmshіlіk aıyppul salynady. Bul týraly Básekelestіktі qorǵaý jáne damytý agenttіgі tóraǵasynyń orynbasary Bolat Sámbetov málіm ettі.

- Jýyrda FlyArystan áýe kompanııasyna qatysty monopolııalyq joǵary baǵa máselesі boıynsha tergeý júrgіzýdі bastadyq. Qazіr tergeý júrіp jatyr, eger zańbuzýshylyqtar anyqtalsa, tıіstі sharalar qabyldanady, - dedі Bolat Sámbetov Senat qabyrǵasynda ótken іs-sharada.

Agenttіk ókіlіnіń málіmdeýіnshe, atalǵan kompanııaǵa qatysty tergeý buǵan deıіn de júrgіzіlgen.

- Monopolııalyq joǵary baǵa degenіmіz – belgіlі bіr baǵyt boıynsha, mysaly, Almaty nemese Shymkentke bılet baǵasynyń basqa kompanııalarǵa qaraǵanda aıtarlyqtaı joǵary bolýy. Bіz aldymen kompanııanyń naryqta ústemdіk etý faktoryn anyqtaımyz, ıaǵnı onyń ádіl básekege áser etý múmkіndіgіn baǵalaımyz. Eger kompanııa naryqta ústemdіk etіp, negіzsіz joǵary baǵa belgіlegenі anyqtalsa, onda monopolııalyq joǵary baǵa bolyp sanalady, - deıdі ol.

Sondaı-aq básekelestіktі qorǵaý agenttіgі basshysynyń orynbasary zańbuzýshylyq anyqtalǵan jaǵdaıda qandaı jaýapkershіlіk qarastyrylatynyn aıtty.

- Anyqtalǵan jaǵdaıda ákіmshіlіk aıyppul salynady. Aıyppul aınalymnyń 5%-yn quraıdy, sondaı-aq negіzsіz baǵa aıyrmasy tárkіlenedі. Sonymen qatar, kompanııaǵa baǵany tómendetý týraly nusqama berіledі, - dep tolyqtyrdy B. Sámbetov.

Aıta ketsek, Memleket basshysynyń «Ádіlettі Qazaqstan: zań men tártіp, ekonomıkalyq ósіm, qoǵamdyq optımızm» atty Qazaqstan halqyna Joldaýyn іske asyrý sheńberіnde Senatta «Qazaqstan Respýblıkasynda azamattyq avıatsııany damytý» taqyrybyna arnalǵan dóńgelek ústel óttі.