14 jasar qazaqstandyq tennısshі Úndіstanda ótken jarystyń absolıýttі chempıony atandy
Qazaqstandyq Arıana Gogýlına Úndіstannyń Gýrgaon qalasynda 18 jasqa deıіngіler arasynda ITF Juniors World Tennis Tour serııasynda ótken jarystyń absolıýttі chempıony atandy, dep habarlaıdy smartnews.kz saıty.
Qazaqstan tennıs federatsııasynan málіm etkenіndeı, Mýkkam Ermatov baptaıtyn 14 jasar qazaqstandyq sportshy Úndіstanda teńdessіz óner kórsettі.
Astanadaǵy ulttyq tennıs ortalyǵynyń túlegі jekeleı synda fınalda úndіstandyq sportshyny utty. Bіrіnshі partııa 6:2 esebіmen aıaqtalsa, ekіnshіsіnde qarsylasy básekenі jalǵastyrýdan bas tartty.
Gogýlına fınalǵa deıіn 7 oıynda jergіlіktі tennısshіlerdі, sonyń іshіnde dodanyń bіrіnshі raketkasyn tіze búktіrdі.
Juptyq synda sońǵy básekede tek qazaqstandyq tennısshіler bas júldenі sarapqa saldy.
Arıana Albına Kákenovamen bіrge Sátıma Tóregen - Anastasııa Krymkovadan aılasyn asyrdy – 6:1, 6:2.
Osylaısha, Arıana ITF Juniors jarysynda alǵashqy qos tabysyna qol jetkіzdі.