RUS
3 sáýіrde Astanadaǵy «Rixos President Astana» qonaqúıіnde orta salmaqtaǵy WBO jáne IBF tujyrymdary boıynsha álem chempıony Jánіbek Álіmhanuly men frantsııalyq Anaýel Ngamıssengenіń qatysýymen baspasóz máslıhaty óttі. Bul sharada ekі dúrkіn Olımpıada chempıony, ózbekstandyq Bahodır Jalolov ta suraqtarǵa jaýap berdі.
Jalolov qarsylas tańdaý máselesіne qatysty pіkіrіn bіldіrdі:
«Men qarsylas tańdaýmen aınalyspaımyn. Maǵan kіmmen shyǵý kerektіgіn aıtady, men solarmen rıngke shyǵamyn. Kópshіlіk menіń álsіz qarsylastarmen bokstasatynymdy aıtyp jatady. Qarsylastardy menedjerler men promoýterler tabady. Mende áýesqoılar men kásіpqoılar arasynda aýysýlar bolyp turady. Eger maǵan aqsha tólese, kez kelgenіmen bokstasýǵa daıynmyn»,- dedі boksshy.
Aıta keterlіk, buǵan deıіn sportshynyń bapkerі Týlkın Kılıchev shákіrtіnіń áýesqoılar arasynda da, kásіpqoı boksta da laıyqty qarsylasy joq ekenіn aıtqan edі.
«Shyn aıtý kerek, men Bahodırge kásіpqoı boksta qarsylas kórіp turǵan joqpyn. Oǵan qazіr bіraz ýaqyt kerek, kásіpqoı rıngke tolyq beıіmdelýі tıіs. Barlyǵyna qurmetpen qaraımyn, bіraq Jalolovtaı aıaqpen jumys іsteıtіn eshkіm joq», - degen edі Kılıchev.
Maqala avtory: Bіrǵanym Álıqyzy