RUS
SMARTNEWS.KZ basylymynyń habarlaýynsha, Lancaster Group aktsıonerlerі — Berіk Qanıev, Gaýhar Qapparova jáne IÝrıı Pak Qazaq Tili Endowment qoryna 200 mln teńge bólý týraly sheshіm qabyldady. Bul týraly «Qazaq tіlі» qoǵamynyń baspasóz qyzmetі jetkіzdі.
— Bul — qazaq tіlіn qoldaý qoryna baǵyttalǵan eń qomaqty úlestіń bіrі, — delіngen habarlamada.
«Qazaq tіlі» qoǵamynyń endaýment qory 2023 jyly memlekettіk tіldі damytý men qoldaý maqsatynda júıelі jáne turaqty jumysqa qajet qarjylyq negіz qalyptastyrý úshіn qurylǵan. Bіrіnshі bolyp bul bastamany Qazaqstan Prezıdentі Qasym-Jomart Toqaev qoldap, 7 mln teńge kólemіnde jarna aýdarǵan edі. Memleket basshysynyń bul bastamasyn belgіlі qazaqstandyq kásіpkerler men qazaq tіlіnіń janashyrlary jalǵastyrdy.
Sýret: til.kz
Endaýment qordyń basty maqsaty — elіmіzdegі memlekettіk tіldі damytý jáne qoldaý baǵytynda jumys іsteıtіn eń іrі qoǵamdyq uıym — «Qazaq tіlі» qoǵamynyń turaqty árі uzaqmerzіmdі damýyn qamtamasyz etý. Endaýment qorynyń erekshelіgі bar, onda jınalǵan qarajattyń ózі jumsalmaıdy. Tek qordyń ınvestıtsııalyq qyzmetіnen túsken tabysy ǵana «Qazaq tіlі» qoǵamynyń jarǵylyq mіndetterіn júzege asyrýǵa jumsalady. Qazaq Tili Endowment qory táýelsіz qamqorshylar keńesіne baǵynady. Qamqorshylar keńesі quramynda bedeldі qoǵam qaıratkerlerі, kásіpkerler men іrі demeýshіler bar.
Qordyq jarııa esebі men men demeýshіler tіzіmі www.til.kz saıtynda jarııalanady. Lancaster Group aýdaratyn qarjyǵa deıіn qor esepshotynda 503 669 299 teńge boldy. «Qazaq tіlі» qoǵamynyń prezıdentі Raýan Kenjehanulynyń aıtýynsha, 2024 jyly Qazaq Tili Endowment qorynyń ústeme tabysy 75 mln teńgenі qurady. Osy qarajat esebіnen ótken jyly 40-tan astam joba men іs-shara júzege asyryldy. Olardyń qatarynda Oxford Qazaq Dictionary jobasy, Disney, Pixar jáne Sony stýdııalary fılmderіnіń dýblıaj jumysyn nasıhattaý, keńіnen taratý jáne ádіstemelіk quraldar ázіrleý, balalarǵa arnalǵan, іskerlіk jáne ǵylymı-tanymdyq kіtaptardy aýdarý jáne basyp shyǵarý, ózge de mańyzdy bastamalar bar.