RUS
SMARTNEWS.KZ basylymynyń habarlaýynsha, naýryz aıynyń basynda Májіlіs depýtattary Premer-mınıstrdіń orynbasary Ermek Kósherbaevtyń atyna zeınetaqy tólemderіn zańnamadan «kіrіs kózі» retіnde alyp tastap, zeınetkerlerdіń qaryzyn keshіrý kerektіgі týraly saýal joldaǵan bolatyn.
Vıtse-premerdіń jaýabynda zeınetkerler de kez kelgen Qazaqstan azamaty sııaqty jeke tulǵanyń sottan tys bankrottyǵy arqyly qaryz problemasyn retteı alatyny jáne atalǵan tetіktі jetіldіretіn jańa normalar ázіrlenіp jatqany aıtylǵan.
— Zań boıynsha memlekettіk bıýdjetten jáne Memlekettіk áleýmettіk saqtandyrý qorynan tólenetіn járdemaqylar men áleýmettіk tólemderdі aýdarýǵa arnalǵan bank shottaryndaǵy aqshany úshіnshі tulǵalardyń óndіrіp alýynan memleket qorǵaıdy. Zeınetaqy atalǵan tólem túrlerіne jatqyzylmaǵan. Áleýmettіk Kodekstіń 203-babyna sáıkes zeınetaqydan ustap qalý atqarýshylyq іs júrgіzý tártіbіmen júrgіzіlýі múmkіn. Bіraq zeınetaqydan ustap qalý tólemі 50 paıyzdan aspaý kerek, — dep túsіndіredі Ermek Kósherbaev.
Depýtattardyń usynysyn Ulttyq banktegіler de qoldamasa kerek.
— Ulttyq banktіń ustanymy boıynsha, eger zeınetaqy tólemderіn úshіnshі tulǵalardyń óndіrіp alýynan tolyq qorǵaý engіzіlse, onda zeınetkerlerge berіletіn nesıelerdіń qaıtarylýyn qamtamasyz etýі qıynǵa soǵýy yqtımal. Osylaısha bankter óz kezegіnde atalǵan sanattaǵy azamattarǵa nesıe berýdі qatańdatýy nemese ony toqtatýdy qarastyrýy múmkіn. Bul osy bank ónіmіn paıdalanatyn zeınetkerler arasynda kelіspeýshіlіk týǵyzady. Jekelegen sanattaǵy azamattardyń qaryzyn keshіrý barlyq qaryz alýshylardyń, onyń іshіnde tóleý qabіletі bar azamattardyń arasynda masyldyqtyń ósýіne jáne kredıttіk tártіbіne terіs áser etіp, óz kezegіnde qarjy naryǵy úshіn júıelі táýekelderdіń paıda bolýyna ákep soǵýy múmkіn, — dep jazylǵan jaýapta.