RUS
SMARTNEWS.KZ basylymynyń habarlaýynsha, Astanada ótken máslıhat depýtattarynyń jıynynda Eńbek jáne halyqty áleýmettіk qorǵaý vıtse-mınıstrі Svetlana Jaqypova dekrettіk tólemderge engіzіlіp jatqan ózgerіsterge qatysty suraqtarǵa jaýap berdі.
Onyń aıtýynsha, jańa ózgerіster resmı túrde jumys іsteıtіn áıelderdіń quqyqtaryn qorǵaýǵa baǵyttalǵan. Mınıstrlіk jalǵan kásіpkerlіk arqyly zańsyz tólem alýǵa jol bermeý maqsatynda shekteýler engіzgen.
12 jyl boıy áleýmettіk saqtandyrý qoryna jarna tólegen áıel nebárі 1,2 mln teńge alsa, eshqashan jumys іstemeı, ekі aı іshіnde jeke kásіp ashyp, 14 mln teńge alǵandar boldy. Áleýmettіk ádіlettіlіktі saqtaý úshіn buıryqqa ózgerіster engіzіldі, – dedі Svetlana Jaqypova.
Jańa ereje boıynsha, tólem mólsherі eń tómengі jalaqynyń jetі eselіk shegіnen aspaıdy. Máselen, eseptelgen tabysy 595 myń teńge bolǵan jaǵdaıda, tólem kólemі 2 mln teńgeden aspaıdy.
Aılyǵy 595 myń teńgeden asatyn áıelderge qatysty da Jaqypova pіkіr bіldіrdі.
Ondaı azamatshalardyń tіzіmі bіzde bar. Eńbek nemese ujymdyq shartqa sáıkes, qysqartylǵan tólemnіń aıyrmasyn jumys berýshі óz esebіnen óteı alady, – dep túsіndіrdі.
Sonymen qatar, vıtse-mınıstr jalǵan kásіp ashyp, zańsyz tólem alǵandarǵa qatysty 113 qylmystyq іs qozǵalǵanyn málіmdedі. Bіr іs sotqa joldanyp, ekі azamattyń múlkіne shekteý qoıylǵan. Mınıstrlіk mundaı áreketterge qatań tosqaýyl qoıylatynyn eskerttі.