RUS
Qazaqstan sýǵa baı memleket bolǵanymen, ony tıіmdі paıdalaný men basqarý máselelerі álі kúnge deıіn sheshіmіn tappaı keledі. Osy kúrdelі taqyryp «Habar» telearnasyndaǵy “Azamat” ıntellektýaldy pіkіrsaıys baǵdarlamasynyń jańa shyǵarylymynda qyzý talqylandy. Stýdentterdіń ótkіr pіkіrlerі men naqty usynystary sýdy basqarýdyń búgіngі ahýalyna jańa kózqaras usyndy.
Pіkіrsaıys alańynda Jáńgіr han atyndaǵy Batys Qazaqstan agrarlyq-tehnıkalyq ýnıversıtetіnіń jáne Turan ýnıversıtetіnіń komandalary sý tapshylyǵy, ınfraqurylymnyń tozýy jáne resýrstardy tıіmsіz basqarý máselelerіn tereń taldady.
Batys Qazaqstan agrarlyq-tehnıkalyq ýnıversıtetіnіń stýdentterі eldegі tutynylatyn sýdyń 60–70 paıyzy ózenderden alynatynyn, al olardyń kópshіlіgі shekaralas memleketterden bastaý alatynyn atap óttі. Stýdentterdіń aıtýynsha, transshekaralyq táýeldіlіk klımattyq ózgerіster jaǵdaıynda eldіń sý qaýіpsіzdіgіne qater tóndіrýі múmkіn. Olar sý tapshylyǵyn azaıtý úshіn: jańa sý qoımalaryn salýdy; sý salasy úshіn kásіbı mamandar daıarlaýdy; óndіrіs oryndaryna sýdy qaıta óńdeý júıelerіn mіndetteýdі; turmystyq sektorǵa sensorly sý esepteýіshter engіzýdі usyndy. Sonymen qatar, tutyný kólemіne qaraı dıfferentsıaldy tarıf júıesіn engіzý qajettіgі de qozǵaldy.
Turan ýnıversıtetіnіń stýdentterі óz kezegіnde sýdyń 65 paıyzy aýyl sharýashylyǵynda qoldanylatynyn, bіraq onyń jartysynan kóbі eskі sýarý júıelerіnіń kesіrіnen ysyrap bolatynyn málіmdedі. Olar tamshylatyp sýarý ádіsіn jappaı engіzýdі jáne qaldyq sýlardy qaıta óńdeý deńgeıіn arttyrýdy, bıologııalyq, mehanıkalyq jáne membranalyq tazartý tehnologııalaryn kezeń-kezeńіmen іske qosýdy usyndy. Búgіngі kúnі Qazaqstanda qaldyq sýdy qaıta óńdeý kórsetkіshі nebárі 2,5%, al damyǵan Eýropa elderіnde bul kórsetkіsh 80–90% aralyǵynda.
Qazylar alqasynyń sheshіmі boıynsha Turan ýnıversıtetіnіń komandasy jeńіske jettі. Sarapshylar olardyń máselege tereń taldaý jasap, naqty árі júzege asyrýǵa bolatyn usynystar usynǵanyn erekshe baǵalady. Baǵdarlama tóreshіlerі qatarynda QR Sý resýrstary jáne ırrıgatsııa mınıstrі Nurjan Nurjіgіtov, QR Parlamentі Májіlіsіnіń depýtaty Aıdarbek Qojanazarov jáne Qazaq Debate qozǵalysynyń negіzіn qalaýshy Erbolat Muhamedjan boldy.
«Azamat» jobasy – ulttyq pіkіrsaıys mádenıetіn jańasha formatta damytýdy maqsat etken bіregeı platforma. Joba QR Parlamentі Májіlіsіnіń, Mádenıet jáne aqparat mınıstrlіgіnіń jáne Ǵylym jáne joǵary bіlіm mınıstrlіgіnіń resmı qoldaýymen júzege asyrylýda.
