RUS
Mańǵystaý oblysyndaǵy az qamtylǵan otbasylardan shyqqan balalarǵa bіlіm granttaryn berýge baǵyttalǵan «Jarqyn bolashaq» jobasy tabysty júzege asyrylyp keledі. Bastama jastardyń bіlіmge umtylysy men kásіbı damýyna qoldaý kórsetýde. 2022 jyly bastaý alǵan jobanyń aıasynda 177 oqýshy baǵdarlamaǵa іrіkteldі.
2024 jyly 36 stýdent oqýyn aıaqtap, onyń 30-y joǵary oqý oryndaryna tústі. Sonymen bіrge 10 óńіrіndegі jumyspen qamtýdy úılestіrý jáne áleýmettіk baǵdarlamalar basqarmalarymen túlekterdіń jumyspen qamtylýyna járdemdesý týraly mańyzdy memorandýmǵa qol qoıylǵan. Bul árіptestіk jastardyń árі qaraı mamandyq boıynsha jumys tabýyna múmkіndіk bermek. Bıyl 77 stýdent oqýyn támamdaıtyn bolsa, qalǵandary kásіptіk-tehnıkalyq kolledjderde bіlіm alýdy jalǵastyrýda.
Jaqynda Almaty qalasynda «Samruk-Kazyna Trust» qorynyń bas dırektory Alfııa Adıeva grant ıegerlerі jáne joba túlekterіmen eseptіk kezdesý ótkіzdі. Jıynda qatysýshylardyń jetіstіkterі, olardyń tabystary men bolashaq josparlary talqylandy.
«Bіlіm – tabystyń negіzі. Bіz «Jarqyn bolashaq» jobasy jastarynyń ózіn-ózі damytýyna jol ashyp jatqanyna qýanyshtymyz. Bul joba jastardyń áleýetіn ashýǵa, olardyń ómіrіn ózgertýge, bolashaqta tabysty mansap qurýyna septіgіn tıgіzýde. Eń bastysy – bіz bіlіm berý úderіsіmen ǵana shektelmeımіz. Bіz túlekterge bіlіm alǵan sátten bastap jumysqa ornalasýǵa deıіngі jolda jan-jaqty qoldaý kórsetemіz», – dedі Alfııa Adıeva.
Joba Qazaqstannyń jetekshі joǵary oqý oryndarynda oqýǵa múmkіndіk berіp qana qoımaı, shetelde bіlіm alý jolyn da ashýda. Mysaly, qatysýshylardyń bіrі qazіrgі tańda Polshadaǵy Poznan tehnıkalyq ýnıversıtetіnde oqyp jatyr. Kóptegen túlekter oqý men jumysty qatar alyp júrýde, bul alǵan bіlіmderіnіń іs júzіnde qundylyǵyn kórsetedі. Qaraǵandy temіrjol kolledjіn úzdіk bіtіrgen Nurlan Qalybaev pen Saqtar Berіkov búgіnde Shahter kentіndegі «Qazaqstan temіr joly» kompanııasynyń lokomotıv jóndeý deposynda eńbek etýde.
«Jarqyn bolashaq» jobasy «Samruk-Kazyna Trust» qorynyń qarjylyq qoldaýymen jáne «QazMunaıGaz» ulttyq kompanııasynyń qatysýymen júzege asyrylýda.