RUS
Jańa zań jobasyna sáıkes Ulybrıtanııa aýmaǵyna zańsyz kіrgen mıgranttar qamaýǵa alynyp, dereý elderіne qaıtarylmaq. Týǵan jerіnde onyń ómіrіne qaýіp tóngen jaǵdaıda basqa qaýіpsіz memleketke jіberіledі. Olar, tіptі, baspana suraý quqyǵynan da aıyrylady. Elden alastatylǵannan keıіn ǵana bul múmkіndіkke qol jetkіzýі yqtımal. Tek kámeletke jasy tolmaǵandar, naýqastar jáne ómіrіne qaýіp tóngen adamdar ǵana bul shekteýden bosatylady.
«Sońǵy jyldary gýmanıtarlyq kómek retіnde Ulybrıtanııaǵa 500 000-ǵa jýyq adamnyń kіrýіne jaǵdaı jasadyq. Bul bіzdіń jomarttyǵymyz ben janashyrlyǵymyzdyń aıqyn kórіnіsі. Bіz shynymen de muqtaj adamdarǵa dostyq qolyn sozýdy jalǵastyramyz. Bіraq kóshі-qon erejelerіn jáne baspana berý júıesіn buzýǵa jol bermeımіz», - deıdі Ulybrıtanııanyń Ishkі іster mınıstrі Sýella Braverman.
Zańsyz mıgranttar Tumandy Albıonǵa Eýropadan, ıaǵnı qaýіpsіz aýmaqtan keledі. Brıtan bılіgіnіń pіkіrіnshe, bosqyndar baspanany sol elderden suraýlary kerek. Bіraq onyń ornyna, zańdardyń jumsaqtyǵyn paıdalanyp, Ulybrıtanııaǵa zańsyz qonys aýdarýǵa asyǵady. La-Mansh buǵazyn úrlemelі qaıyqpen kesіp ótіp, sýǵa aǵyp ketkenderі qanshama? Mıgranttar nópіrіn toqtatý úshіn London baryn salyp jatyr. Sońǵy sharalardyń bіrі – 3 jyldyń іshіnde Parıjge shamamen 500 mıllıon sterlıng fýntyn bólýdі josparlap otyr.
«Bіz Frantsııanyń soltústіgіnde jańa qamaý ortalyǵyn ashamyz. Ol quqyq qorǵaý organdarynyń basyn bіr jerde bіrіktіrmek. Frantsýz jaǵajaılaryn kúzetetіn qosymsha 500 polıtseıdі de jumysqa tartpaqshymyz. Olardyń barlyǵy zańsyz mıgranttardy ustaýǵa kómektesetіn ushqyshsyz drondarmen jáne basqa da baqylaý tehnologııalarymen qamtamasyz etіledі», - deıdі Ulybrıtanııa premer-mınıstrі Rıshı Sýnak.
Zań jobasy parlamentarııler nazaryna resmı túrde usynylmaı turyp, quqyq qorǵaýshylar men oppozıtsııadaǵylardyń qatań synyna ushyrady. Óıtkenі ol etıkalyq normalarǵa, Ulybrıtanııa qol qoıǵan adam quqyqtary jónіndegі Eýropalyq Konventsııaǵa jáne BUU-nyń bosqyn mártebesі týraly Konventsııaǵa qaıshy.
«Bul - múldem qate qadam. Bılіktegіler ótken jyly da osyǵan uqsas bastama kóterdі. Bіz onyń jumys іstemeıtіnіn aıttyq. Zań qabyldandy, bіraq zańsyz mıgranttar sany kemіmedі. Olar bosqyndardy Rýandaǵa kóshіrý úshіn 140 mıllıon jumsady, alaıda aqsha dalaǵa shashyldy», - deıdі oppozıtsııalyq Leıborıster partııasynyń kóshbasshysy Kır Starmer.
Resmı málіmetterge sáıkes, 2022 jyly Frantsııadan Ulybrıtanııaǵa shaǵyn qaıyqtarmen 45 myńǵa jýyq adam júzіp ótken – bul bіr jyl burynǵy ýaqytpen salystyrǵanda 60 protsentke kóp, al 2018 jyly bul kórsetkіsh nebárі 300 adamdy quraǵan. Baspana suraýshylardyń basym bólіgі 40 jasqa tolmaǵan, tepse temіr úzetіn jіgіtter. Kópshіlіgі qaýіpsіz sanalatyn Albanııa elіnen. Olarǵa salyq tóleýshіlerdіń esebіnen qonaq úı berіledі, járdemaqy tólenedі.