RUS
Sotta Sherzat Bolattyń otbasynyń múddesіn Meıіrman Shekeev jetekshіlіk etetіn alty advokat – Jandos Palmanov, Álіm Mustafaev, Dına Dosaeva, Nurbolat Ibraev, Baqdat Amandosuly jáne Bekzat Mıazov qorǵaıdy.
SMARTNEWS.KZ basylymynyń habarlaýynsha, Joǵarǵy sot Sherzat Bolattyń іsі boıynsha sot otyrysy nelіkten Almaty oblysynda emes, Taldyqorǵanda ótetіnіn túsіndіrdі. Bul týraly Bes.media basylymy jazdy.
Talǵarlyq jasóspіrіm Sherzat Bolattyń ólіmіne qatysty qylmystyq іs boıynsha aldyn ala sot tyńdaýy 2025 jylǵy 10 sáýіrge belgіlengen edі. Qylmys Almaty oblysy Talǵar aýdanynda jasalǵanyna qaramastan, sot otyrysynyń Taldyqorǵanda, Jetіsý oblysynyń qylmystyq іster jónіndegі mamandandyrylǵan aýdanaralyq sotynyń ǵımaratynda ótetіnі kópshіlіktіń suraǵyn týdyrdy.
Joǵarǵy sot málіmetіnshe, іske qatysty sot otyrysynyń Taldyqorǵanda ótý sebebі – atalǵan іs boıynsha aıyp taǵylǵan toǵyz adamnyń qazіr osy qalanyń tergeý ızolıatorynda qamaýda otyrýy.
Quqyq qorǵaýshy Meıіrman Shekeev sot otyrysy baspasóz ókіlderіne ashyq túrde ótetіnіn, alaıda Qýandyq Bıshіmbaevtyń іsіndegі sııaqty onlaın translıatsııa júrgіzіlmeıtіnіn atap óttі.
"Sot Taldyqorǵanda ótedі, sebebі aıyptalýshylardyń kópshіlіgі sol jerde. Istі Almaty oblystyq soty qaraıdy. Kelesі sot otyrystary Qaskeleńde óteýі múmkіn. Bul tek aldyn ala tyńdaý", – deıdі Meıіrman Shekeev.