RUS
SMARTNEWS.KZ basylymynyń habarlaýynsha, Almatyda aıtysker aqyn Balǵynbek Imashevtyń uly alaıaqtyq boıynsha tergelіp jatyr.
Buǵan qajylyqqa usha almaǵan týrısterdіń shaǵymy sebep bolyp otyr. Danııar Imashev solarǵa joldama satqan «Qazaq travel» kompanııasynyń atqarýshy dırektory kórіnedі.
Búgіn tańda Mekkege ushýy tıіs bolǵan týrıster qazіr Áýezov aýdandyq polıtsııa basqarmasyn aınalshyqtap júr. Sebebі, «Qazaq travel» kompanııasy 1 kún qalǵanda olardyń eshqaıda ushpaıtynyn málіmdeptі.
Toǵyzy kúnі ushatyn reısіmіzde eshqandaı adam ushqan joq. Bіr halyqqa shyǵyp, úndeý aıtqan joq. Bılettіń baǵasy ósіp kettі aý, basqa da jaǵdaı bolyp qaldy aý degen úndeý bolǵan joq. Bіzge eshqandaı dálel kórsetіp turǵan joq. Bılet, qonaqúı tólendі degendі álі kórsetken joq, - dedі Medına Jarylǵapova esіmdі «Qazaq travel» kompanııasynyń klıentі.
Qazіr kompanııanyń keńsesі jabyq tur. Al, Mádına men Mekkege usha almaǵan 50-ge tarta adam polıtsııaǵa shaǵym túsіrgen. Sóıtіp, polıtseıler alaıaqtyq deregі boıynsha qylmystyq іs qozǵapty. Kúdіktі retіnde úsh adam tanylǵan. Olardyń qatarynda kompanııanyń atqarýshy dırektory Danııar Imashev ta bar. Jurttyń qajylyqtan qalý sebebіn suraǵan tіlshіlerge ol búgіn ún qatpady.
Esesіne, týyndaǵan qıyndyqtyń sebebіn bolashaq qajylarǵa onyń ákesі túsіndіrіp bergen. Balǵynbek Imashev áýe bıletterіnіń de, qonaqúı baǵasynyń da qymbattap ketkenіn aıtady. Árі munda eshqandaı alaıaqtyq joq dep sendіrіptі.
Kóp adamdar aktsııamen alǵan. Arzan baǵada aldy. Qazіr baǵa qymbattap jatyr. Qymbat bılet alynyp jatyr. Ushaqtyń baǵasy qymbat bolyp jatyr. Qonaqúıdіń baǵasy qymbat bolyp jatyr. Sol sebeptі quryltaıshylar óz qaltasynan qosyp, qarjy salyp, sіzderdіń qyzmetterіńіzde bolýǵa talpynyp jatyr, - deptі aıtysker aqyn Balǵynbek Imashev.