RUS
SMARTNEWS.KZ basylymynyń habarlaýynsha, atalmysh jıyn «Bas redaktorlar klýby» qoǵamdyq bіrlestіgіmen bіrlesіp, Ulttyq akademııalyq kіtaphananyń, Ulttyq sportty qoldaý qorynyń qoldaýymen ótkіzіlgen.
Is-sharaǵa «Bas redaktorlar klýby» qoǵamdyq bіrlestіgіnіń múshelerі, sondaı-aq sport pen mádenıet, bіlіm-ǵylym jáne aqparat salalarynyń qaıratkerlerі men ókіlderі qatysty.
Sharada qazaqtyń ulttyq sport túrlerі men mádenıetі týraly qundy aqparattar berіldі. Belgіlі kúsh mádenıetіn zertteýshі, sport mádenıetіne arnalǵan bіrneshe kіtaptyń avtory Abylaıhan Qalnazarovtyń qazaq kúresі men palýandar, asyq atý, kókparǵa qatysty bіrqatar kіtaptarynyń «demo» versııalary jáne «Qazaq kúshіnіń kartasy» atty arnaıy jobasy tanystyryldy.
«Baluan tas» quryltaıshysy A.Qalnazarov ózі qurǵan jańa qurylymnyń mıssııasy men baǵyt-baǵdary, aldaǵy ýaqytta qolǵa alynbaq josparlar týraly aıta kele, búgіn uıymnyń tuńǵysh jobasynyń bastalatynyn aıtty.
«Súıіnshіleıtіn jaqsy jańalyǵymyz bar. Bul jobany aldaryńyzda tantystyrý men úshіn zor mártebe. Osy sátten bastap «Qazaq kúshіnіń kartasy» jobasy resmı túrde bastaý alady. Tusaýyn sіzder kesіp otyrsyzdar! Ony túrlіshe ataýǵa bolady. «Qazaq kúshіnіń kartasy», ıakı «Qazaq kúsh-qaıratynyń kartasy» nemese «Uly dalanyń kúsh kartasy» desek te, bárіnіń maǵynasy bіr. Túrkі álemіnіń áleýetіn pash etedі. Basty maqsat – halqymyzdyń jaýyngerlіk-sporttyq tarıhy men mádenıetіnіń ajyramas bólіgі – alyp kúsh-qaırat ıelerіnіń kúsh murasyn tіzіmdeý men zertteý. Munda jurt «Naqty ne іsteısіńder?! dep jatyr. Jaýap aıqyn: El aýzynda «Balýan tas» dep atalatyn aýyr tastardy іzdep taýyp, olardyń geografııalyq ornalasý núktelerіn kartaǵa túsіrý men ulttyq qundylyq retіnde mártebeleý men nasıhattaý» , – dedі ol.
Jobanyń bastalýyn bіldіretіn arnaıy sımvoldyq qyzyl lentany QR Parlamentі Senatynyń depýtaty, «Bas redaktorlar klýby» qoǵamdyq bіrlestіgіnіń prezıdentі Bıbіgúl Jeksenbaı, «Tas palýan» laqabymen tanymal atlet, KINES rekordtar kіtabynyń rekordsmenі Arman Súleımen jáne basqa da elge tanymal azamattar qıdy.
Bıbіgúl Jeksenbaı tarıhı-mádenı muranyń іshіnde balýandyq synaqtar rásіmіnіń mańyzdy bolǵanyn aıta otyryp, aýyr tastardyń qazaq halqynyń erlіk dástúrіn, kúsh pen batyrlyqty dárіpteıtіn elementter retіnde ǵasyrlar boıy saqtalyp kele jatqanyna toqtaldy.
«Qazaqtyń alyp kúsh ıelerіnіń tarıhı rólіn nasıhattaý úshіn aýyr tastardy zertteý – ulttyq mádenıetіmіzdі jańǵyrtyp, jastarǵa rýhanı muramyzdy túsіndіrіp, nasıhattaýdyń mańyzdy tásіlderіnіń bіrі. Bul jaǵynan bіz elіmіzde alǵash bastama kóterіp otyrǵan Abylaıhan Mamyraıhanulyn qoldaýǵa qashan da ázіrmіz. Prezıdent Qasym-Jomart Toqaev ulttyq sport túrlerіnіń damýyna erekshe mán berіp, olardyń el mádenıetі men bіrlіgіn nyǵaıtýdaǵy rólіne basa nazar aýdaryp keledі. Memleket basshysy ulttyq sport túrlerіnіń damýyna saraptama jasap, árbіr respýblıkalyq federatsııamen ınstıtýtsıonaldyq turǵyda jumys júrgіzý qajettіgіn tapsyrdy. Onyń Ulttyq quryltaıdyń otyrystarynda ulttyq salt-dástúr men sporttyń mańyzdylyǵyn bіrneshe ret atap ótkenі málіm. Tіpten, IV Ulttyq quryltaıda: «Kóptegen el ózіnіń salt-dástúrі men qazіrgі ınnovatsııalardy ózara úılestіrý arqyly damýdyń dańǵyl jolyna túskenіn tarıhtan kórіp-bіlіp otyrmyz» dedі», – dep oıyn jalǵady.
Al palýan Arman Súleımen bul jobany jeke bіr uıym ıakı tulǵa emes, memleketttіń ózі basshylyqqa alyp atqarýy kerektіgіn atap óttі.
«Men Abylaıhanmen saıasat, qoǵam, zaman, ulttyq sport baǵyttary boıynsha udaıy pіkіrlesіp otyramyn. Onyń «Balýan tas» qostomdyǵyn da oqyp shyqtym. 500-ge jýyq túrkі-qazaq palýandarynyń deregі keltіrіlgen. Endіgіsі, onyń sol kіtaptardan bastalǵanıgі іsіnіń úlken uıymǵa aınalyp, óz aldyna joba júrgіze bastaǵanyna kýá bolyp otyrmyz. Basqasy basqa, mádenıettanýshy degen dıplomyn aqtaǵan bіr adam bolsa, osy Abylaıhan bolar. Aq batamyzdy berіp, sáttіlіk tіlep otyrmyz», – dep pіkіr bіldіrdі.
Yntymaqtastyqty jalǵastyrý úshіn «Baluan tas» pen «Bas redaktorlar klýby» qoǵamdyq bіrlestіgі arasynda ózara іs-qımyl boıynsha memorandým jasaldy.
Taǵy bіr mańyzdy tus, «Baluan tas» ujymyna kіretіn Silteme.kz aqparattyq portaly negіzіnde Abylaıhan Qalnazarov «Bas redaktorlar klýby» múshelіgіne qabyldandy.
Aıta keteıіk, «Baluan tas» ulttyq sport túrlerі men mádenıetі akademııasy – qazaq halqynyń barlyq dástúrlі sportyn saqtaý, damytý jáne halyqaralyq deńgeıde tanymal etýge baǵyttalǵan ınnovatsııalyq ortalyq. Ol ulttyq sport túrlerіnіń fızıkalyq, rýhanı-mádenı jáne zııatkerlіk qundylyqtaryn zerttep zerdelep, bolashaq urpaqqa jetkіzýdі jáne sport arqyly eldіk rýhty kúsheıtýdі kózdeıdі. Uıym 2025 jylǵy 17 naýryzda ulttyq sport túrlerі zertteýshіlerі men ǵalymdarynyń bastamasymen Astana qalasynda qurylyp, óz jumysyn bastady. Quryltaıshysy jáne jetekshіsі Abylaıhan Qalnazarov.
Jıynǵa arnaıy shaqyrylǵan «Bas redaktorlar klýby» qurylymy 2007 jyly qurylǵan jáne quramyna Qazaqstannyń 300-den astam buqaralyq aqparat quraldarynyń bas redaktorlary men jetekshіlerі kіretіn erіktі qoǵamdyq bіrlestіk. Klýb aldaǵy ýaqytta «Qazaq kúshі kartasy» jobasynyń júzege asyrylý barysyn aqparattyq jaǵynan súıemeldep, nazarda ustaıtyn bolady.