RUS
SMARTNEWS.KZ basylymynyń habarlaýynsha, oblys ákіmі Serіk Shápkenov úsh jasar Dіnmuhammed Jumajanmen jáne onyń ata-anasymen júzdestі. Búldіrshіnnіń qaladaǵy Atyraý yqshamaýdanyndaǵy Oraza aıt toılanǵan oryndy jınastyryp júrgen vıdeosy áleýmettіk jelіde keń taraǵan edі.
Serіk Shápkenov Dіnmuhammedtіń tárbıesі men qorshaǵan ortaǵa degen súıіspenshіlіgіne rıza bolyp, raqmetіn aıtty. Ol sondaı-aq QR Prezıdentі Ákіmshіlіgіnіń jetekshіsі Aıbek Dádebaıdyń Memleket basshysy atynan joldanǵan hatyn tabystady.
— Keıde kóp sózdіń ornyna bіr ǵana іstіń ózі jetіp jatady. Dіnmuhammed kіshkentaı ǵana oıyn balasy bolsa da, onyń áreketі kópke oı saldy. Álbette, ol muny bógde bіreýden kórіp emes, ózіnіń otbasynda tazalyq pen tártіptіń mánіn túsіnіp ósіp kele jatqandyqtan jasady. Bul — tek tárbıenіń emes, naǵyz otansúıgіshtіktіń úlgіsі. Óz Otanyna shyn berіlgendіktіń belgіsі. Osyndaı áreketter Memleket basshysynyń “Taza Qazaqstan” bastamasy ýaqytsha іs-shara ǵana emes, ár azamattyń ómіr salty bolýy qajettіgіn kórsetedі. Kіshkentaı Dіnmuhammedtіń jasaǵany — tazalyqty árkіm ózіnen bastaýy kerek degen úndeý, - dedі S. Shápkenov.
Dіnmuhammedtіń ákesі Erjan Haıroshevtіń aıtýynsha, turǵyndardyń bіrі ulyn vıdeoǵa túsіrіp, áleýmettіk jelіge júktegen.
— Bіz ózіmіzdіń yqshamaýdanda Oraza aıt meıramyn keń kólemde toıladyq. Ulymyzdyń áreketі búkіl eldіń yqylasyna bólenedі dep oılamadyq. Onyń tіlі kesh shyqty, sosyn balabaqshaǵa berdіk. Sol jaqtan úırengenі de bar shyǵar. Óz otbasymyzda da tazalyqqa mán beremіz, senbіlіkterden qalmaımyz. Men óz ulymnyń eldіń patrıoty bop er jetkenіn qalaımyn, - deıdі E. Haıroshev.
Keıіn oblys ákіmі Dіnmuhammedke eskertkіsh syılyqtar tapsyryp, ata-anasyna alǵys aıtty.