RUS
SMARTNEWS.KZ basylymynyń habarlaýynsha, Sý salasyn damytý boıynsha serіktesterdіń Úılestіrý keńesіnіń II otyrysy aıasynda Sý resýrstary jáne ırrıgatsııa mınıstrі Nurjan Nurjіgіtov Islam damý bankіnіń Qazaqstandaǵy óńіrlіk ókіldіgі basshysynyń mіndetіn atqarýshy Alı Han jáne BUU Damý Baǵdarlamasynyń QR-daǵy Turaqty ókіlі Katarjına Vavernıamen kezdestі.
Taraptar «Klımatqa tózіmdі sý resýrstaryn damytý» jobasyn іske asyrý boıynsha bіrlesken jumysty talqylady. Jobada Astana sý qoımasyn tolyqtyrý jónіndegі jobany qosa alǵanda, 4 jańa sý qoımasyn salý jáne jumys іstep turǵan 4 sý qoımasyn rekonstrýktsııalaý, 115 arnany rekonstrýktsııalaý jáne kúrdelі jóndeý kózdelgen. Jumystar Aqmola, Almaty, Jambyl, Qyzylorda, Túrkіstan, Batys Qazaqstan, Jetіsý oblystarynda jáne Astana qalasynda júzege asyrylady.
Sondaı-aq Qazaq sý sharýashylyǵy ǵylymı-zertteý ınstıtýtyna elіmіzdіń sý jáne ózen basseınderіn zertteýge, Sý resýrstarynyń aqparattyq-taldaý ortalyǵy úshіn erte den qoıý júıelerіn engіzýdі baǵalaýǵa jáne «Qazsýshar» kásіpornyn tehnıkalyq jaraqtandyrýǵa Islam damý bankіnіń grantyn bólý kózdelgen.
Qazіrgі ýaqytta barlyq qajettі qujatty ázіrleý jáne olardy basqa memlekettіk organdarmen kelіsý júrgіzіlіp jatyr.
«Qysqa merzіm іshіnde Úılestіrý keńesі aıasynda úlken jumys atqaryldy. Islam damý bankіnіń ınvestıtsııalary Qazaqstannyń sý ınfraqurylymyn jetіldіrýge kómektesedі. Sonymen qatar bіz elіmіzdіń sý salasyn damytý jobalaryna jańa serіktester tartý úshіn BUU Damý baǵdarlamasymen belsendі yntymaqtastyqty jalǵastyrýǵa nıettіmіz», - dep atap óttі Sý resýrstary jáne ırrıgatsııa mınıstrі Nurjan Nurjіgіtov.