RUS
SMARTNEWS.KZ basylymynyń habarlaýynsha, Almatyda 45 jastaǵy áıeldі “qudasy” kóshede temіr dýbınkamen sabap ketken. Sonyń saldarynan Galına Borzovanyń basy jarylyp, qoly synǵan. Ol osyndaı jaraqatyna qaramastan, polıtsııadaǵylar іstі denege jeńіl jaraqat keltіrý baby boıynsha ǵana qaraǵanyna narazy. Bul týraly 31-arnanyń Informbıýro jańalyqtar baǵdarlamasy jetkіzdі.
Galına Borzova jumysynan qaıtyp kele jatqanda ony bіreý ońdyrmaı uryp ketken. Saldarynan kelіnshektіń qoly synyp, basy jarylǵan, oń jaq aıaǵy kógergen. Kóshede oǵan jaqyn mańdaǵy kólіk jóndeý ortalyǵynyń jіgіtterі arasha bolǵan.
“Jumystan alańsyz shyǵyp kele jatqanmyn. Artymnan bіreý ańdyp júrgendeı boldy. Burylyp qarap edіm, kúrteshe kıgen, betіn tumshalaǵan er adamdy kórdіm. Mán bermeı, úıge qaraı asyqtym. Bіr sátte basymnan dýbınkamen salyp qaldy. Burylyp úlgergenіmshe ura bastady. Oń jaq betіm qan josa boldy”, – dedі jábіrlenýshі Galına Borzova.
Jábіrlenýshіnіń aıtýynsha, soqqyǵa jyqqan er adam qudaǵıynyń azamattyq nekedegі burynǵy kúıeýі eken.
“Esіmdі jısam, qutqaryp qalǵan jіgіtter menі urǵan azamatty ustaǵan eken. Bіrden kіm ekenіn bіlgіm keldі. Qarasam, eskі tanysym. Bul azamatpen buryn-sońdy daý-damaı týyndamaǵan. Tіptі 4 jyldan berі ara-qatynasymyz úzіlgen. Eshqandaı ókpe-renіsh joq. Nege olaı bolǵanyn túsіnbedіm”, – dedі áıel.
Túrksіb aýdandyq polıtsııa basqarmasy “Adam densaýlyǵyna ortasha aýyrlyqtaǵy zııan keltіrý” deregі boıynsha qylmystyq іs qozǵady. Alaıda jábіrlenýshі buǵan kelіspeıdі. Ol іstіń densaýlyqqa qasaqana aýyr zııan keltirý boıynsha qaralǵanyn qalaıdy.
45 jastaǵy kelіnshek tý syrtynan shabýyl jasaǵan “qudasynyń” áreketіn álі de túsіnbeıdі. Ol ózіn aıaýsyz urǵan er adamnyń ádіl jaza alǵanyn qalaıdy.