RUS
ShQO Tótenshe jaǵdaılar departamentі baspasóz qyzmetіnіń málіmetіne súıensek, qutqarýshylar taldaý júrgіzіp, halyqtyń kómіrtegі totyǵymen ýlanýynyń negіzgі sebepterіn anyqtady. Jyl basynan berі óńіr boıynsha jer úılerde qaýіptі gazdyń saldarynan 13 adam zardap shektі.
«Adam úshіn gazǵa ýlaný óte qaýіptі. Gaz tynys alý joldary arqyly ókpege jetіp, qan aınalymy júıesіne enedі. Onda gemoglobınmen baılanysady, ol óz kezegіnde ottegіden 200-300 ese aýyr. Saldarynan qan ottegіn tasymaldaý jáne ony aǵzaǵa jetkіzý qabіletіn joǵaltady. Eń aldymen mı zardap shegedі, sodan soń basqa organdarǵa da áserіn tıgіzedі», - delіngen aqparatta.
Jyl saıyn oqys oqıǵalardyń aldyn alý maqsatynda áleýmettіk qorǵalmaǵan otbasylardyń úılerіnde ýly gazdy anyqtaıtyn datchıkter ornatylýda.
«Osy jylytý maýsymynyń aldynda úılerge 2700-ge jýyq datchık ornattyq. Sonyń barysynda memlekettіk órt baqylaý ınspektorlary 43 096 turǵynǵa nusqaýlyq berdі. Sondaı-aq 30 reıd júrgіzіldі», - delіngen habarlamada.