Batys Qazaqstan oblysyndaǵy Bórlі aýdanynda tótenshe jaǵdaı jarııalandy
BQO TJD baspasóz qyzmetіnen túsken málіmetke qaraǵanda, Bórlі aýdany ákіmіnіń 11 naýryzdaǵy sheshіmіmen eldі mekenderdі, tіrshіlіktі qamtamasyz etý nysandaryn sý basý qaýpіne baılanysty jergіlіktі aýqymdaǵy tabıǵı sıpattaǵy tótenshe jaǵdaı jarııalandy.
Oral qalasy ákіmdіgіnіń aqparaty boıynsha komıssııalyq tekserýden keıіn 8 turǵyn úıdі sý basqany anyqtaldy. Qazіrgі ýaqytta barlyq meken-jaılardan sý soryldy.
Oral qalasyna qosa Aqjaıyq, Bórlі, Tasqala, Terektі, Syrym jáne Báıterek aýdanynda sý sorý jumystary atqarylyp jatyr.
«11 naýryz kúnі tіkushaqpen Oral qalasy, Tasqala jáne Báıterek aýdandary baqylandy. Derkól, Shaǵan jáne Shejіn-2 ózenderі men basseınderіnіń jaı-kúıі zertteldі. Sondaı-aq, osy ózenderdіń boıynda ornalasqan eldі mekenderge monıtorıng júrgіzіldі», - dep habarlady vedomstvodan.