RUS
SMARTNEWS.KZ basylymynyń habarlaýynsha, Islam dіnіnde azan shaqyryp qoıǵan adamnyń atyn ózgertýge bola ma degen suraqqa belgіlі ımam Nurlan Baıjіgіtov jaýap berdі.
Nurlan ımamnyń aıtýynsha, sharıǵat boıynsha atty ózgertýge sebep bolǵan jaǵdaıda ruqsat.
"Eń bіrіnshі, tarıhta óte bіr jaman adam retіnde esіmі elge máshһúr bolyp, tańbalanyp qalǵan adamnyń ıaǵnı, búkіl halyqqa jamandyǵy ótken adamnyń aty qoıylsa ózgertý kerek. Ekіnshіsі – óz atynan ózі uıalsa. Mysaly, el mazaqtap, kіshkentaı balalar kúlіp, jurt qaıta-qaıta suraı berse, sodan qınalsa ózgertken jaqsy", - deıdі "Habar" arnasyndaǵy "Dástúr" baǵdarlamasynda qonaq bolǵan Nurlan Baıjіgіtov.
Sondaı-aq Nurlan ımam bútіndeı bіr ultqa qııanaty ótken adamdardyń atyn qoımaǵan abzal ekenіn atap óttі.
Budan bólek, Nurlan ımam eger, adam óz atynan qatty qınalsa, onda laqap at qoıýǵa bolatynyn aıtty. Bul rette ol qazaqtyń uly tulǵalaryn mysal ettі.
Dіn mamany sebepsіz atty ózgertýge bolmaıtynyn da tіlge tıek ettі.
"Qoıylǵan nárse qazyqtaı bolyp qalý kerek. Balanyń bolashaqta azamat, tulǵa bolyp qalyptasýy esіmіne baılanbaýy kerek", - dedі ol.