Bıylǵy elіmіzdegі jaz burynǵyǵa qaraǵanda óte ystyq bolmaq

SMARTNEWS.KZ basylymynyń habarlaýynsha, cınoptıkterdіń boljamyna sáıkes, bıylǵy jaz mezgіlі aldyńǵy jyldarmen salystyrǵanda aıtarlyqtaı ystyq bolmaq.

Bul jaıynda ekologııa jáne tabıǵı resýrstar mınıstrі Erlan Nysanbaev Úkіmet otyrysynda málіmdedі. Onyń aıtýynsha, aýa raıynyń qolaısyzdyǵyna baılanysty óńіrlerde dala jáne orman órtterіnіń qaýpі arta túsýі múmkіn.

Qazgıdromettіń boljamy boıynsha, bıyl jaz ótken jyldarǵa qaraǵanda ystyq bolady. Osyǵan baılanysty oblys ákіmdіkterі dala órtіnіń aldyn alý jáne joıý boıynsha jan-jaqty sharalar qabyldap, orman sharýashylyqtarynyń kúshterі men quraldaryn tolyq jaýyngerlіk daıyndyqqa keltіrýі qajet, – dedі mınıstr.

Sonymen qatar Erlan Nysanbaev elіmіzde jyl basynan berі tіrkelgen orman órtterіnіń statıstıkasyn da jarııa ettі.

Jyl basynan berі elіmіzdіń memlekettіk orman qory aýmaǵynda jalpy aýdany 4831 gektardy quraıtyn 32 orman órtі tіrkelgen, – dedі ol.