RUS
SMARTNEWS.KZ basylymynyń habarlaýynsha, Astanadaǵy LRT qurylysyndaǵy qarjy jymqyrý іsі boıynsha halyqaralyq tergeýshіler kúdіktіlerdіń bіrіn tapty. Bul týraly Astana qalasynyń prokýratýrasy málіmdedі.
Kursiv.media taratqan málіmet boıynsha, quqyq qorǵaý organdary kúdіktіnіń naqty kіm ekenіn aıtylmaǵan. Interpol taratqan málіmetke sáıkes, kúdіktіlerdіń bіreýі qazіrgі tańda Batys elderіnіń bіrіnde júrgen kórіnedі. Bul týraly prokýror Azamat Ermahanov málіm ettі. Prokýrordyń aıtýynsha, ekstradıtsııa boıynsha da sharalar atqarylyp jatyr.
Atalǵan aqparatty prokýror Aıjan Aımaǵanova da óz Instagram paraqshasynda jarııalady. Aıta keteıіk, Aımaǵanova Qýandyq Bıshіmbaev іsіn júrgіzgen prokýror.
Eske sala ketsek, elordalyq jeńіl relstі kólіk qurylysyndaǵy qarjy jymqyrý іsі boıynsha tergeý osydan bes jyl buryn aıaqtalǵan edі. Sodan berі negіzgі kúdіktіler – «Astana LRT» kompanııasynyń burynǵy basshysy Talǵat Ardan men Astana qalasy ákіmіnіń burynǵy orynbasary Qanat Sultanbekov halyqaralyq іzdeýde júrgen edі. Alaıda olardyń qaısysy tabylǵany ázіrge belgіsіz.