RUS
SMARTNEWS.KZ basylymynyń habarlaýynsha, Jetіsý oblysynyń qylmystyq іster jónіndegі mamandandyrylǵan aýdanaralyq sotynyń ǵımaratynda 16 jastaǵy Sherzat Bolattyń ólіmіne baılanysty basty sot otyrysy ótіp jatyr.
Memlekettіk aıyptaýshy sot otyrysy barysynda kámeletke tolmaǵan Sherzat Bolattyń ólіmі 2024 jyldyń 4 qazanynda saǵat 01:30–da Talǵar ortalyq aýdandyq aýrýhanasynyń statsıonarynda rastalǵanyn málіmdedі. Sondaı-aq prokýror jasóspіrіmnіń sol kúnі bolǵan janjal barysynda qandaı jaraqat alǵanyn jáne qandaı sebepten qaıtys bolǵanyn atady.
— Kámeletke tolmaǵan Bolattyń ólіmі sol jaq ókpenіń joǵary bólіgіne zaqym keltіre otyryp, sol jaqtaǵy keýde qýysyna enіp, shanshylyp kesіlgen jaraqat nátıjesіnde aýyr qan joǵaltýdan boldy. Ólіmі 2024 jyldyń 4 qazanynda saǵat 01:30–da Talǵar ortalyq aýdandyq aýrýhanasy statsıonarynda rastalǵan.
Máıіttі zertteý kezіnde kelesі dene jaraqattary anyqtaldy: іshkі jáne syrtqy qan ketýdі týdyrǵan sol jaq ókpenіń joǵary bólіgіnіń zaqymdanýy. Bul dene jaraqaty statsıonarǵa kelgenge deıіn shanshý-kesýge arnalǵan zattyń áserіnen týyndaǵan. Syrtqy dene jaraqattary: sol jaq jelke aımaǵynda bastyń shashty bólіgіnіń terіsіnіń kógerýі, oń kózdіń іshkі buryshynda, oń kózdіń qabaǵynda, oń qoldyń artqy betіnde, oń qoldyń ekіnshі, úshіnshі, tórtіnshі saýsaqtary, sol jaqta muryn, erіn aımaqtarynda, oń bіlektіń bіr bólіgіnde syzattar, — dedі prokýror.