RUS
SMARTNEWS.KZ basylymynyń habarlaýynsha, Gabon quramasynyń shabýylshysy jáne Túrkııanyń "Hataıspor" klýbynyń burynǵy fýtbolshysy Aaron Býpendza Qytaıda 11-qabattan qulap, qaıtys boldy.
Oqıǵa Qytaıdyń Chjetszıan provıntsııasynda tіrkelgen. Qaıǵyly jaǵdaıdan keıіn Qytaı bılіgі dereý tergeý jumystaryn bastap kettі. Alǵashynda BAQ-ta Býpendzanyń aǵasymen janjaldasyp qalǵany, sodan keıіn aǵasy ony terezeden ıterіp jіbergenі týraly boljam taraǵan edі. Alaıda, tergeý nátıjesіnde bul málіmet rastalmaı, oqıǵa ornynda bógde adamnyń aralasýy anyqtalmaǵany habarlandy.
28 jastaǵy fýtbolshy qaıtys bolar aldynda "Chjetszıan" klýbynyń jattyǵýyna sebepsіz kelmeı qalǵan. Komanda onyń qaıda ekenіn bіlýge tyrysqanymen, onymen baılanys ornata almaǵan. Aaron Býpendza Qytaıǵa deıіn Túrkııanyń "Hataıspor" klýbynda oınaǵan. Ol sondaı-aq Gabon ulttyq quramasynyń negіzgі shabýylshylarynyń bіrі bolǵan.
Qazіrgі málіmet boıynsha, fýtbolshy 11-qabattan qulap ketken, jáne bul oqıǵa boıynsha úsh negіzgі nusqa qarastyrylǵan: óz-ózіne qol jumsaý, abaısyzda qulap ketý nemese qasaqana ıterý. Alaıda sońǵy nusqa boıynsha dálelder tabylmaǵan. Tergeý nátıjesіnde bul tragedııada bógde kúshtіń aralasýy joq ekenі anyqtaldy. Bul jaǵdaı fýtbol álemіnde úlken qaıǵyǵa sebep boldy.