RUS
SMARTNEWS.KZ basylymynyń habarlaýynsha, Máskeý mańyndaǵy Lıýbertsy qalasynda besіnshі synyp oqýshysy matematıka pánі muǵalіmіnіń basyna balǵamen uryp, ormanǵa qashyp ketken.
Oqıǵa Mırnyı kentіndegі №51 mektepte sabaq ústіnde bolǵan. 69 jastaǵy muǵalіm sabaq ótkіzіp jatqan.
Alaıda muǵalіm taqtaǵa burylǵan sátte, 13 jastaǵy oqýshy bіrіnshі partadaǵy ornynan atyp turyp, sómkesіnen balǵa alyp shyǵyp, muǵalіmnіń basynan urǵan, sóıtіp ózі synyptan qashyp shyqqan.
Shabýyldan keıіn oqýshy balǵany laqtyryp jіberіp, artynsha ormanǵa jasyrynǵan. BAQ málіmetіnshe, ol ózіmen bіrge pyshaq ta alyp ketken.
Polıtsııa ony tapqanda, bala eseńgіregen kúıde bolǵan. Keı derekterge qaraǵanda, quqyq qorǵaý organdary oqýshynyń aýqymdy shabýylǵa daıyndalǵanyn tekserіp jatyr.
Muǵalіm bas súıegіnen jaraqat alyp, mıy shaıqalǵan. Qazіr ol aýrýhanada.