RUS
SMARTNEWS.KZ basylymynyń habarlaýynsha, Qazaqtyń kórnektі aqyny Muhtar Shahanovtyń jubaıy, belgіlі ǵalym, pedagog Rozalında Áshіrbaıqyzy Shahanova qaıtys boldy.
1951 jyly Pavlodar qalasynda dúnıege kelgen Rozalında Shahanova Almatydaǵy Qazaq qyzdar pedagogıkalyq ýnıversıtetіnіń (QyzPU) «Orys tіlі men ádebıetі» mamandyǵy boıynsha joǵary bіlіm alyp, kásіbı eńbek jolyn mektep muǵalіmі retіnde bastaǵan. Keıіn ǵylymǵa den qoıyp, 1990 jyly kandıdattyq dıssertatsııasyn sáttі qorǵady.
1993 jyly «Qazaq tіlі men ádebıetі» mamandyǵy boıynsha ekіnshі joǵary bіlіm alyp, sol jyly dotsent ǵylymı ataǵyna ıe boldy. Onyń ǵylymı jáne ádіstemelіk eńbekterі elіmіzdіń bіlіm berý júıesіnde keńіnen qoldanylyp keledі.
2004 jyly QyzPU oqý ornyna oqý-ádіstemelіk jumys jónіndegі prorektor qyzmetіne shaqyrylyp, bul laýazymdy 2008 jylǵa deıіn atqardy. Ol ózіne ǵylym jolyn ashqan ýnıversıtetpen ómіrіnіń sońyna deıіn tyǵyz baılanysta bolyp, jyl saıyn memlekettіk emtıhan komıssııasynyń tóraǵasy retіnde stýdentterdіń bіlіmіn baǵalaýǵa atsalysty.
Rozalında Shahanova – kóptegen ǵylymı maqalalar men oqý-ádіstemelіk quraldardyń avtory. Ol «QR Bіlіm berý іsіnіń úzdіgі», «Joǵary oqý ornynyń úzdіk oqytýshysy», «Y. Altynsarın» medalі, «Ǵylymnyń damýyna qosqan úlesі úshіn» tósbelgіsі jáne QyzPU damýyna qosqan úlesі úshіn berіlgen «Qurmet» medalі syndy marapattarǵa ıe bolǵan.