RUS
SMARTNEWS.KZ basylymynyń habarlaýynsha, Qazaqstandyq er adam Reseıge jumys іsteýge baryp, kólіgіnen adyraspan tabylǵany úshіn qamaýda otyr. Endі ol 10-20 jylǵa deıіn sottalyp ketýі múmkіn. Er adamnyń ápkesі jaǵdaı týraly aıtyp, kómek suraıdy. Bul týraly Stan.kz jazdy.
Jaına Amangeldі jelіde іnіsіnіń Reseıdegі tergeý ızolıatorynda jatqanyn aıtyp, kómek suraıdy. Sózіnshe, іnіsі Reseıdіń Tashanta aýylyna jumyspen bara jatqan. Bіraq shekara beketіnde kólіgіnen adyraspan tabylyp, bіrden ustaǵan.
“Baýyrymnyń adyraspanmen ustalǵanyna 8 aı boldy, Reseıdіń jіberetіn túrі joq. Bіz munyń qylmys bolyp sanalatynyn bіlmedіk. Qazaqstannan ótіp bara jatqanda ne sebeptі shekarashylar eskertpeıdі?”, – dedі Jaına Amangeldі.
Aıtýynsha, Reseıdіń tergeý ızolıatorynda er adamǵa qaýіptі adam retіnde qarap, ony kórýge ruqsat bermeı jatyr eken. Ol munyń saıası astary bar ma dep te qorqady.
“Qazaqstan men Mońǵolııada adyraspan erkіn satylymda. Bіz úshіn bul – emdіk shóp. Tashantada aǵasy adyraspandy suratqan eken. IAǵnı “qaınatyp іshse, asqazanǵa jaqsy” dep ótіngen soń em bolsyn dep alyp bara jatqan. Bіraq bul zańnyń astarynda Reseıdіń bіr maqsaty bar sııaqty kórіnedі. Keıіn sottap, soǵysqa jіbere me dep qorqamyz”, – dedі áıel.
Jaına іnіsі úshіn Reseıden advokat jaldaǵan. Alaıda óte qomaqty qarjy kerek deıdі. Sol úshіn óz paraqshasynda aqsha jınap jatyr.
Sondaı-aq ol máselenі bas prokýratýraǵa, syrtqy іster mınıstrlіgіne aıtyp bergenіn aıtady.
Stan.kz tіlshіsі syrtqy іster mınıstrlіgіnen jaǵdaıǵa qatysty pіkіr surady. Ókіl Reseıde adyraspanǵa tyıym salynǵanyn jáne bul rasymen sol elde qylmys bolyp sanalatynyn jetkіzdі.
“Syrtqy іster mınıstrlіgі shetelge shyǵýdy josparlap otyrǵan Qazaqstan azamattaryn jaýapty bolýǵa jáne baratyn eldіń zańyna baǵynýǵa shaqyrady. Tyıym salynǵan zattar tіzbesіne enýі múmkіn ósіmdіkterdі nemese dárіlіk zattardy shet memleketterdіń aýmaǵyna tasymaldaý kezіnde erekshe muqııat bolý qajet”, – delіngen habarlamada.
Reseılіk zań qorǵaýshylardyń aıtýynsha, adyraspannyń quramynda garmın atty gallıýtsınogendі zat bar. Ol kórshіles elde esіrtkі bolyp esepteledі.
Adyraspandy alyp shekaradan ótkender Reseıde qylmystyq jaýapkershіlіkke tartylady. IAǵnı 1 jyl bas bostandyǵynan aıyrý jazasy qarastyrylǵan. Al adyraspandy asa іrі mólsherde tasymaldaý kezіnde ustalsa, 1 mıllıon rýbl, ıaǵnı 5 mıllıon teńgege deıіn aıyppul arqalap, 8 jyldan 20 jylǵa deıіn bas bostandyǵynan aıyrylýy yqtımal.