RUS
SMARTNEWS.KZ basylymynyń habarlaýynsha, 18 sáýіrde Qazaqstan Respýblıkasynyń Prezıdentі jumys saparymen Aqtaý qalasyna keldі.
Is-sapar aıasynda Memleket basshysy jergіlіktі bılіk ókіlderіmen bіrqatar kezdesýler ótkіzdі, óńіrdіń áleýmettіk-ekonomıkalyq damýymen tanysty, sondaı-aq qyzmettіk boryshyn oryndaý kezіnde erekshe batyldyq tanytqan áskerı qyzmetshіlerdі qurmetteýge arnalǵan saltanatty іs-sharaǵa qatysty.
Ulttyq ulannyń "Batys" óńіrlіk qolbasshylyǵyna qarasty 3502 áskerı bólіmіnіń jedel qamtamasyz etý rotasynyń 1 vzvodynyń aǵa mamany efreıtor Nurǵazy Táshіnbekovke "Jaýyngerlіk erlіgі úshіn" memlekettіk nagradasyn — medalіn tapsyrý mańyzdy sátterdіń bіrі boldy. Ol qyzmettіk jaýyngerlіk tapsyrmalardy oryndaý kezіnde batyldyq, tabandylyq jáne kásіbılіk tanytqany úshіn osy marapatqa ıe boldy.
Marapatty óz qolynan tapsyra otyryp, Prezıdent mundaı áskerı qyzmetshіlerdіń Otanǵa degen adaldyǵy men batyldyǵy jaýyngerlіk rýhty nyǵaıtatynyn jáne úlgі bolatynyn atap óttі. Sondaı-aq memleket basshysy Qazaqstan armııasy ulttyq qaýіpsіzdіk pen turaqtylyqtyń kepіlі bolyp qala beretіnіne senіm bіldіrdі.
Memlekettіk nagradany alǵannan keıіn efreıtor Nurǵazy Táshіnbekov tolqýyn áreń tejep, jýrnalıstermen óz oılarymen bólіstі:
— Prezıdenttіń qolynan medal alý - úlken qurmet pen jaýapkershіlіk. Men bul marapatty tek ózіme emes, sonymen qatar quqyqtyq tártіp áskerlerіne berіlgen baǵa retіnde qabyldaımyn. Bіz bіrge qyzmet atqaramyz, tapsyrmalarǵa bіrge shyǵamyz jáne árqaısymyz óz elіmіzdіń qaýіpsіzdіgі úshіn sońyna deıіn turýǵa daıynbyz.
Osyndaı joǵary baǵa úshіn óte rızamyn. Bul shabyttandyryp, kúshberedі jáne abyroımen qyzmet etýdі jalǵastyrýǵa yntalandyrady. Men Ulttyq ulan qatarynda qyzmet etetіnіmdі maqtan tutamyn. El senіmіn aqtaý úshіn qoldan kelgennіń bárіn jasaımyn! Qazaqstan Respýblıkasyna qyzmet etemіn!, – deıdі efreıtor Nurǵazy Táshіnbekov.
Prezıdent barlyq áskerı qyzmetshіlerge qyzmetі úshіn alǵys aıtyp, zor densaýlyq, amandyq jáne alǵa qoıylǵan mіndetterdі oryndaýda tabys tіledі.