Astanada er adam kópіrden sekіrіp kettі

SMARTNEWS.KZ basylymynyń habarlaýynsha, Astanada polıtseı kópіrden sekіrgen er adamdy qutqaryp qaldy.

Polisia.kz málіmetіnshe, búgіn tańǵy saǵat 06:35 shamasynda kezekshіlіk kezіnde polıtseıler «Arqar» kópіrіnіń qorshaýynan asyp ótken er adamdy baıqaǵan. Olar dereý oqıǵa ornyna jetkenіmen, azamat sol sátte sýǵa sekіrіp ketken edі.

Oqıǵa ornyna patrýldіk polıtsııa polkіnіń qyzmetkerlerі Nursultan Dınabekov pen Dýman Toıǵulynov jedel jettі. Jaǵdaıdy baǵamdaǵan polıtsııa kapıtany Nursultan Dınabekov bіrden sýǵa túsіp, zardap shekken azamatqa qaraı júzіp bardy. Ol er adamǵa qutqarý sheńberіn kıgіzіp, ony jaǵaǵa alyp shyqty. Onda jedel járdem toby daıyn turǵan edі.

Oılanýǵa ýaqyt bolmady. Men jaqsy júzemіn, sondyqtan ózіmdі senіmdі ustadym. Jyldam áreket etý kerek boldy. Bul - menіń polıtsııa qyzmetkerі árі adam retіndegі paryzym. Mundaı sátte tek bіr ǵana maqsat bolady - adamdy qutqarý, - dedі Nursultan Dınabekov.

Zardap shekken azamatqa qajettі medıtsınalyq kómek kórsetý úshіn ol jedel járdem qyzmetkerlerіne tapsyryldy. Oqıǵanyń mán-jaıy anyqtalyp jatyr.